Kuri uyu wa 15/2/2022 mu Karere ka Ngororero  habaye inama y'Inteko Rusange yahuje abafatanyabikorwa bibumbiye muri JADF Isangano yari igamije  kubagaragariza  aho gahunda yo gutegura  igenamigambi igeze no kubereka iby'ingenzi bizibandwaho mu mwaka  2022- 2023.

Inama yari yitabiriwe n'abafatanyabikorwa, Abayobozi ba Komisiyo zigize Inama Njyanama y'Akarere, Komite Nyobozi y'Akarere, abagize inama y'umutekano itaguye, abayobozi b'Amashami ku Karere, n'abandi bahagariye ibyiciro bigize inteko Rusange.
 Inama yafunguwe inayoborwa  n’Umuyobozi w'Akarere ka Ngororero Bwana Nkusi Christophe  ari kumwe n'Umuyobozi wa JADF Isangano  Bwana Hakizimana Rwisebura Jacques.

Ibyaganiriweho :

1. Imishinga minini n'ibikorwa bizajya mu  igenamigambi 2022 - 2023;
2. Ishyirwa mu bikorwa rya gahunda y'iterambere ry'Akarere y’Iterambere ry’Akarere (DDS)
3. Ibibazo bibangamiye imibereho myiza y'abaturage (ibyakozwe n'ibitarakorwa)
4. Ingamba zo kurandura ihohoterwa rishingiye ku gitsina (GBV).

Nyuma yo kungurana ibitekerezo kuri izi ngingo, abari mu nama bafashe imyanzuro ikurikira:
1.Kurushaho guhuriza hamwe imbaraga hagamijwe kugera ku bipimo by'iterambere n'imibereho bikubiye mu igenamigambi.
2.Mu igenamigambi ry'abafatanyabikorwa biyemeje kuzifashisha ibikorwa bagaragarijwe bikwiriye kwitabwaho.
3.Kongera imbaraga mu mikoranire n'abafatanyabikorwa mu byiciro binyuranye (NGOs, amadini, Ngororero network, ...). 4.Kurushaho kugira uruhare mu gukemura ibibazo bya HSI bahuriza hamwe imbaraga zabo ndetse n'ibyemewe mu mwiherero bigashyirwa mu bikorwa.
5.  Nyuma yo gusobanukirwa n'ihohoterwa rishingiye ku gitsina ,  biyemeje gushyira hamwe mu kuriramdura burundu no gukangurira abantu kutariceceka.

Inama yagenze neza.