Uyu munsi inteko rusange y'Ihuriro ry'Abafatanyabikorwa b'Akarere ka Ngororero JADF ISANGANO yateranye iyobowe na President wayo Padiri Jean Paul Rutakisha.  Imirimo yayo yatangijwe ku mugaragaro n'Umuyobozi w'Akarere BwanaNkusiChristophe. 
Nyuma yo kugezwaho raporo y'inteko rusange iheruka (24/04/2025)  no kuyikorera ubugororangingo
abitabiriye iyi nteko rusange
- baganiriye ku itegeko rigenga JADF; 
- bunguranye ibitekerezo ku miterere n'imikorere ya JADF n'incamake y'ibikorwa byakozwe na JADF mu mwaka wa 2024-2025;
- bagejejweho gahunda y'ibikorwa bya JADF Isangano mu mwaka wa 2025-2026;
- bunguranye ibitekerezo ku bikorwa by'ingenzi bikubiye mu Igenamigambi ry'Akarere DDS 2 n'uruhare ry'Abafatanyabikorwa mu kubishyira mu bikorwa
- banarebeye hamwe ibibazo bibangamiye imibereho myiza y'abaturage. 
Padiri RUTAKISHA yagarutse ku ruhare rwa JADF Isangano mu iterambere ry'Akarere aho muri uyu umwaka ushize wa 2024-2025 igice cy'Ubukungu cyatwaye  arenga miliyari 8 , imibereho myiza miliyari 2 naho imiyoborere myiza agera kuri 122,000,000 frws.
Uyu mwaka  wa 2025-2026 abafatanyabikorwa bazagira uruhare mu kwesa imihigo 144 y'Akarere. JADF ISANGANO yungutse umufatanyabikorwa mushya "BAMPOREZE Association"  igamije kurengera uburenganzira bw'umwana n'iterambere ry'umuryango.

Imirimo y'inteko yashojwe no gusinya IMIHIGO y'umwaka wa 2025-2026 hagati y'Umuyobozi  w'Akarere na:
- abayobozi b'amashami 
- Abanyamabanga Nshingwabikorwa b'Imirenge 
- abafatanyabikorwa b'Akarere. 
Inteko yitabiriwe kandi n'abandi bagize Komite Nyobozi y'Akarere,  abayobozi b'Inzego z'Umutekano zikorera mu Karere,  bamwe mu bajyanama mu Nama Njyanama y'Akarere, abikorera, Abanyamabanga Nshingwabikorwa b'Imirenge n'abayobozi b'amashami mu Karere.