Ku bufatanye bwa LODA na Brac International, Akarere ka Ngororero kakiriye abajyanama baturutse mu Kigo cy'Ubufaransa  gishinzwe Iterambere  (AFD) kuri uyu wa kane, tariki ya 17 Nyakanga 2025.
Uru ruzinduko rwahujwe n’imishinga iyobowe n’umushinga uterwa inkunga na Pro-Poor Development Basket Funder.
Akarere ka Ngororero kari gahagarariwe na Bwana UWIHOREYE Patrick, Umuyobozi wungirije ushinzwe iterambere ry’ubukungu, n’umuyobozi ushinzwe Igenamigambi, Ikurikirana bikorwa n'Isuzuma Bwana Jean Paul BIRORIMANA,
LODA yari ihagarariwe na Bwana KABANDA Jean Bosco, ushinzwe imibereho myiza y'abaturage,
Itsinda ry’Abajyanama ba AFD ryahagarariwe na Brian OKUMU naho
Brac International yari ihagarariwe na Bwana Jean Pierre NSHIMIYIMANA.

Abagize komite ishinzwe guhangana n'imihindagurikire y'ikirere mu Karere ka Ngororero (DAC) na komite ishinzwe guhangana n'imihindagurikire y'ikirere   mu murenge  (SAC) wa Kageyo nabo bari bahari.

Intego z'uru ruzinduko zari:
1. Gukora inama hamwe n'itsinda n'ibiganiro mu matsinda  y'abitabiriye isuzuma ry’imihindagurikire y’ibihe mu Karere (Ibyago byakomoka ku mihindagurikire y'ikirere, ingaruka ku baturage, kwiyumvisha hakiri kare uburemere bw'ingaruka, ubushobozi bwo guhangana imihindagurikire y'ikirere by'umwihariko ku banyantege nke;
2) Gusuzuma ubushobozi n'ibikoresho  bikoreshwa n'abaturage b'Akarere ka Ngororero kugira ngo bahangane n'ingaruka z'imihindagurikire y'ikirere;
3) Kumenya imishinga y'abaturage iteganijwe muri gahunda yo guhangana n'imihindagurikire y'ikirere kandi yinjijwe muri District Strategic Plan ya 2.

Amakuru yose yakusanyijwe azafasha iri itsinda ry'abajyanama ba AFD gutegura ubushakashatsi burambuye buzadasha AFD mu gutanga inkunga ya tekiniki no gutera inkunga imishinga Akarere ka Ngororero gaterwamo inkunga n'ikigega Pro-Poor Development Basket Fund.