Uyu munsi kuwa 30 Kamena 2020 Inama isanzwe y'Inama Njyanama y'Akarere yateranye iyobowe na President wayo Dr DUSHIMUMUREMYI Jean Paul.
Ku murongo w'ibyigwa hari ingingo 10 zirimo
-  gusuzuma uko ingengo y'imali 2029/2020 yakoreshejwe,
- kwemeza ingengo y'imali ya 2020/2021
- gusuzuma ishyirwa mubikorwa ry'imihigo n'igenamigambi 2019/2020
- kureba ishyirwamubikorwa y'inama z'Umugenzuzi Mukuru y'imali ta Leta
- kwemeza ibipimo bivuguruye by'imisoro n'amahoro.
Inama Njyanama yemeje ingengo y'imali ya 2020/2021 ingana na 20,788,401,146 frws.

Intumwa ya MINECOFIN yashimye uburyo ingengo y'imali ya 2020/2021 yateguwe

Igizwe:
n'ingengo y'imari isanzwe: 10,644,016,302 frws n'ingengo y'imari y'iterambere: 10,144,384,844frws.
 Ingengo y'imali  2020/2021 yagabanutseho 4% ugereranije n'iy'umwaka ushize kuko ku rwego rw'isi ubukungu bwahungabanye kimwe no mu Rwanda kubera COVID-19 nk'uko umukozi wa Ministeri y'imali wari witabiriye iyi nama yabisobanuye.
 Ibikorwa byongerewe amafaranga ni iby'uburezi ahagaragara kuzubakwa ibyumba by'amashuri  350  bishya bikajyana n'abarimu bashya mu rwego rwo kugabanya ubucucike, harimo kandi ko abana bo mu mashuli abanza bazafata ifunguro ku ishuri, kuzamura abarimu mu ntera,
 iby'ubuhinzi n'ubworozi. Impinduka zindi ni uko ahakorwaga imirimo ya Public Works  mu mihanda hazakorwa amaterasi mu mirenge itandukanye.

Intumwa ya MINECOFIN yashimye uburyo ingengo y'imali ya 2019/2020 yakoreshejwe neza, n'uburyo iy'umwaka utaha yateguwe.