Kuwa 17/03/2021  mu cyumba cy'inama  cy'Akarere ka Ngororero  guhera isaa tanu(11h00) kugeza isaa munani(14h00)  hakozwe inama itegura kwibuka ku nshuro ya  27  Jenoside yakorewe Abatutsi mu Rwanda.
Inama yayobowe n'Umuyobozi w'Akarere ka Ngororero  Bwana  NDAYAMBAJE Godefroid ari  hamwe n'Umuyobozi w'Akarere wungirije ushinzwe imibereho myiza Madamu MUKUNDUHIRWE Benjamine
 Inama yitabiriwe n'aba bakurikira:

-Inzego z'umutekano ku rwego  rw'Akarere;
-Komite ya Ibuka ku rwego rw'Akarere;
-Perezida wa Ibuka ku rwego rwa buri murenge;
-Uhagarariye amadini  n'Amatorero ku rwego rw'Akarere n'Imirenge;
-Abanyamabanga Nshingwabikorwa b'Imirenge;
-Abakozi bo mu ishami ry'imiyoborere Myiza mu karere

Ingingo yaganiriweho ni Imyiteguro yo kwibuka  kunshuro ya 27 Jenoside yakorewe Abatutsi mu Rwanda,
Nyuma yo kungurana ibitekerezo hafashwe imyanzuro ikurikira:
 -Gutegura abaturage bamenyeshwa gahunda yo kwibuka binyuze mu matsinda mato: Abayobozi n'Abafatanyabikorwa, amakoperative, amatsinda by'Ubumwe n'ubwiyunge, ibigo by'amashuri, amahuriro y'Ubumwe n'ubwiyunge n'Urubyiruko;
-Kunoza isuku ku nzibutso no gutegura inzira  ziherekeza ;
-Gukangurira abaturage  kuranga  aho Imibiri y'Abazize jenoside idatarashyingurwa  mu  cyubahiro aho iherereye;
_Gukaza umutekano ku nzibutso  abazirinda bakunganirwa  n'amarondo;
_Gutegura imibiri yabonetse ngo izashyingurwe mu cyubahiro;
_Gutegura abajyanama  b'ihungabana mu mirenge;

-Abanyamadini bitabiriye iyi nama biyemeje gukangurira abayoboke babo kwitabira igikorwa cyo kwibuka Jenoside yakorewe Abatutsi no kwegera abarokotse  babafasha mu bikorwa binyuranye;
-Abarezi mu bigo by'Amashuri basabwe gutangira gutegura abanyeshuli  kuri  gahunda yo kwibuka
-Imirenge yasabwe  gushyira imbaraga mu kurangiza imanza  za GACACA  mu buryo bwo kumvikanisha abafitanye  urubanza.