Imyiteguro y'igihembwe cy'ihinga 2026A igeze kure.

Biragaragarira muri Services y'ubuhinzi n'umutungo kamere mi mirenge yose uko ari 13
ahakozwe ibikorwa  by'ingenzi bikurikira:

1. Mu murenge wa Matyazo hakozwe ubukangurambaga ku myiteguro ya 2026A mu tugari  twa Gitega na Binana by'umwihariko kuri Food Basket Sites.

Hanzuwe ko abahinzi bose bagomba   kwiyandikisha  muri Smary Nkunganire System bitarenze 12/09/2025. Biyemeje guhuza ubutaka basimburanya ibihingwa, gukoresha inyongeramusaruro zose kandi neza, gufata neza no ku byaza umusaruro RT, gufata ubwishingizi bw'ibihingwa n'amatungo, gutangira ubuhinzi busigasira ubutaka(CA) no  gushyiraho komite z'ama sites n'imirima ntangarugero.

By'umwihariko abahinzi basabwe kwegeranya inyongeramusaruro  no gutegura ubutaka bigomba kuba byarangiye bitarenze ku wa 12/09/2025

Habayeho gusura iduka rya TUBURA mu kagari ka Binana hagamijwe kureba inyongeramusaruro  zihari, uko zibitswe  n'uko zigurishwa muri MOPA.
Byagaragaye ko hari DAP gusa  nayo idahagije (2000kg). Hasabwe ko bitarenze 11/09/2025  inyongeramusaruro zose  zikenewe kandi zihagije zaba zageze muri Stock. (DAP, UREA, ISHWAGARA, Imbuto y'ibigori y'indobanure.)

Mu rwego rwo kwitegura gutera igiti hanabayeho gusura pepiniyeri ya Binana  itegurirwamo ingemwe z'ibiti bivangwa n'imyaka 26 ,341 zizaterwa 2026A. Muri rusange zimeze neza  kandi biragaragara ko mu gihe cy'itera (Ukwakira -Ugushyingo) zizaba zikuze zigeze igihe cyo guterwa.

2. Mu murenge wa Gatumba 
kuri site ya NMC iri mu Kagari ka Cyome, Umudugudu wa Birambo hakozwe inama yahuje abahinzi bahagarariye abandi yayobowe na Agronome w'Umurenge wa Gatumba Ir BADUSABIRE Ferdinand ari kumwe n'umukozi wa B2R ushinzwe ubuhinzi busigasira ubutaka mu rwego rwo gukomeza kunoza imyiteguro y'igihembwe cy'ihinga cya 2026A.
Abitabiriye bahuguwe uburyo bwo gukora ifumbire y'ikirundo( Compost) hanafatwa n'ingamba zituma abahinzi bazabona umusaruro mwiza.

Mu murenge wa Sovu umukozi ushinzwe ubuhinzi n'umutungo kamere  HABIMANA Celestin yahuguye Abajyanama b'ubuhinzi, Abafashamyumvire n'aba SEFOs ku:
- myiteguro y'igihembwe cy'ihinga 2026A, bibukijwe gutegura ubutaka bwose , kwiyegereza inyongeramusaruro kugira ngo imvura n'igwa bazahite batera
-FOBASI icyo igamije n'inshingano zaburi muntu
- Guhinga kijyambere

Mu murenge wa Kabaya muri service y'ubuhinzi n'umutungo kamere hakozwe ibi bikurikira:
1) Kwemeza abahinzi muri SNS 
2) Inama n'abahinzi bahinga kuri sites za FOBASI za Nturo na Marongi  mu kagari ka Mwendo hagamijwe gutora komite za sites
3)  Gusura amaduka acuruza inyongeramusaruro mu kagari ka Mwendo na Kabaya hagamijwe kureba uko bari gufasha abahinzi kubona inyongeramusaruro.