Ishusho y'uko abaturage babona Imiyoborere n'imitangire ya service mu Karere ka Ngororero.
Yashyizwe ahagaragara na Bwana NIYIRORA Syliver umushakashatsi muri RGB kuri uyu wa 11/11/2020
 Igikorwa cyatangijwe n'umuyobozi w'Akarere Bwana NDAYAMBAJE Godefroid agira ati: " twese   dukurikirane uko abaturage batubonye mu mwaka ushize. Ibipimo biri hasi dufate ingamba zo kubizamura, ibiri hejuru bibungwabungwe k'uburyo bitasubira inyuma. Ni umwanya wo kureba uburyo twatanze serivisi mu baturage aho dushimwa n'aho dutungwa agatoki."
Ubushakashatsi bwakozwe hashingiye ku nkingi y'ubukungu, Imiyoborere myiza n'imibereho myiza y'abaturage.
 mu bukungu ibipimo by'ubuhinzi n'ubworozi byarazamutse. Ibikorwa remezo byasubiye inyuma kubera ibiza byangije amateme n'imihanda.
 mu mibereho myiza abaturage barashima imikorere ya VUP bakanenga ko gahunda ya Girinka ikibonekamo inkundamugayo.
 Naho bibazo bikiboneka mu burezi (ubucucike, ingendo ndende) bigiye gukemurwa n'inyubako nshya z'amashuli.
 mu miyoborere myiza abaturage barashima uburyo ubuyobozi bwabegerejwe hakanozwa imitangire ya serivisi gusa hari aho bacyinubira gusiragizwa n'abayobozi.
 Ubuyobozi bukuru bw'Igihugu n'inzego z'umutekano bafitiwe icyizere ku rwego rwo hejuru.

 Nyuma yo gusasa inzobe ku byanenzwe byose abitabiriye inama bafashe umwanzuro wo gukosora ibitameze neza.
 Igikorwa cyitabiriwe n'inzego zose zikorera mu Karere:
-Bureau y'Inama Njyanama
 -Komite Nyobozi y'Akarere
 -Inzego z'umutekano
 -civil society  na RIC
 -JADF Isangano
 -abanyamabanga nshingwabikorwa b'imirenge n'utugari
-abakozi bakorera ku Karere.