Hirya no hino mu mirenge hari kubera isuzuma ry'amarushanwa y'isuku n'sukura, kurwanya imirire mibi n'igwingira ry'abana hanozwa itegurwa ry'amafunguro yabo.
Mu rwego rwo kwimakaza isuku n'isukura hagamijwe kurwanya igwingira ry abana bato, Akarere ka Ngororero, Polisi y' Urwanda n'Ikigo cy'Igihugu gishinzwe kurengera umwana no kurwanya Imirire mibi (NCDA) bateguye amarushanwa y'isuku, isukura no kurwanya igwingira ry'abana.
Aya marushanwa yashyizwe mu bikorwa ku rwego rw'Akarere n'imirenge yose igize Akarere ka Ngororero kuva ku italiki 10/11/2022 kugeza uyu munsi.
Mu rwego rwo gusuzuma uko aya marushanwa yashyizwe mu bikorwa mu nzego zitandukanye, Ubuyobozi bw' Akarere bwateguye isuzuma rizakorerwa mu mirenge yose mu mataliki ya 10 na11/01/2023.
Mu ntego rusange z'iri suzuma harimo kureba uko imirenge yashyize mu bikorwa ibikorwa bikubiye mu marushanwa y'isuku n'isukura no gutanga inama zigamije gukomeza gushyira mu bikorwa ingamba zigamije kwimakaza isuku n'isukura.

Mu ntego zihariye harimo:
- Gusuzuma udusoko n'udu centres tw'ubucuruzi, restora, utubari, ibigo abagenzi bategeramo ibinyabiziga n'ahandi hahurira abantu benshi;
- Gusuzuma ingo mbonezamikurire y'abana bato;
- Gusuzuma isuku mu ngo n'imigenderano;
- Gusuzuma uko ubukangurambaga bwakozwe;
- Gusuzuma ubudasa bw'ingamba zihariye umurenge washyizeho mu guhangana n'isuku nke n'igwingira ry'abana;
- Gusuzuma ingamba zo gupima imirire mibi no kuvura abana bafite imirire mibi.
Ibirimo kurebwa mu isuzuma:
 Mu du soko n'udu centres tw'ubucuruzi, restora, utubari, gare n'ahandi hahurira abantu benshi hagomba kuba hari ubukarabiro bwujuje ibisabwa kandi abantu babukoresha;  ubwiherero bukwiye kandi bufite isuku no kuba abahitabira bafite isuku igaragarira ijisho; kuba hari amabwiriza agaragara yerekeye isuku y'ibiribwa.

Mu ngo mbonezamikurire y'abana bato hagomba kugaragara uburyo abana bahabwa amazi yo kunywa asukuye, uburyo bunoze bwo gukaraba intoki n'amazi meza n'isabune,
uburyo bwashyizweho bwo kunoza ifunguro risukuye ry'abana barigana, ibyapa bigaragaza ibyiciro mbonezamirire by'abana, ubwiherero bukwiye kandi bufite isuku, uburyo abana bumva neza ibijyanye n'isuku yabo.

Mu ngo/ Quartiers hararebwa ko abaturage batunganya neza  uduhanda tubahuza bakanatugirira isuku, abaturage bafite ubwiherero bufite isuku kandi bwujuje ibyangombwa,
niba nta muturage ubana n'amatungo mu nzu, gukaraba intoki n'amazi meza
n'isabune,niba  abaturage bazi akamaro k'irerero ry'abana/urugo mbonezamikurire y'abana bato kandi bajyanayo abana babo, niba abaturage bazi imihigo y'isibo n'iy'umudugudu,
niba abana bari mu mirire mibi  barashyiriweho uburyo bwo kuyibakuramo kimwe n'igwingira.

Ku bijyanye n'ubukangurambaga harasuzumwa uko bwakozwe n'ibyemezo byafashwe (actions taken) bigaragazwa na raporo umurenge wohereje ku Karere,  ubudasa bw'ingamba  zihariye zo kubungabunga isuku, hanarebwe niba umurenge warashyizeho Ingamba zihariye zo kunoza imirire mu guhangana n'isuku nke n'igwingira ry'abana.

Ibihembo bizatangwa mu byiciro bitatu ku nzego zitandukanye:
a.    Ku rwego rw’Intara n’Umujyi wa Kigali hazahembwa :
i.    Akarere ka mbere mu ntara: Kazahabwa igikombe na Certificate
ii.    Umurenge wabaye uwa mbere mu ntara:  Uzahabwa igihembo cy’amafaranga Miliyoni Makumyabiri n’eshanu azakoreshwa n’umurenge mu gukomeza ibikorwa by’isuku n’umutekano

b.    Ku rwego rw’akarere:
i.    Umurenge uzahiga iyindi utahawe imodoka uzahabwa amafaranga Miliyoni imwe n’igice (1,500,000 Frw) na Certificate Hazahembwa imirenge 25 ni ukuvuga amafaranga miliyoni mirongo itatu n’indwi n’ibihumbi magana atanu (37,500,000 Frw).
ii.    Akagali kazahiga utundi kazahabwa amafaranga Miliyoni imwe y’u Rwanda (1,000,000) na Certificate Hazahembwa utugari 30 ni ukuvuga amafaranga miliyoni mirongo itatu (30,000,000 Frw).