Mu Mirenge ya Muhororo, Nyange, Kavumu, Hindiro na Sovu habaye ubukangurambaga bwimbitse bujyanye no kwishyura ubwisungane mu kwivuza bw'umwaka wa 2022-2023.

Uyu muhango wakurikiranywe n'abayobozi ku rwego rw'Akarere n'Inzego z'Umutekano. Umuyobozi w'Akarere yakurikiranye uyu muhango mu murenge wa Muhororo,
Umuyobozi w'Akarere Wungirije Ushinzwe Iterambere ry'Imibereho Myiza y'Abaturage yawukurikiranye mu murenge wa Nyange naho Umunyamabanga Nshingwabikorwa w'Akarere yawukurikiranye mu murenge wa Kavumu.

Muri iyi mirenge hakusanyijwe imisanzu y'ubwisungane mu kwivuza y'umwaka wa 2022-2023  ingana na 15 278 000Frws.

Abayobozi bakurikiranye iki gikorwa bakanguriye abaturage kwishyura  MUSA hakiri kare ku ntero igira iti: "NTANGIRE KARE NGEREYO NTAVUNITSE" cyangwa se:
"UWO UZAHEKA NTUMWISHA URUME"

Abaturage bishimiye ubu buryo bwiza bwo kwiteganyiriza ubwisungane mu kwivuza.

Iki gikorrwa kizakomereza mu yindi mirenge kuwa Kane tariki ya 17/03/2022

Muri ubu bukangurambaga umuyobozi w'Akarere yanagarutse kuri gahunda ya Ejo Heza, kurwanya imirire mibi...
Ku bijyanye n'amakimbirane mu miryango yavuze ati "Tugaruke mu rugo tugire umuryango ushoboye kandi utekanye."
Mu nteko y'abaturage umuyobozi w'Akarere yagarutse ku nshingano z'umuryango mu kurwanya igwingira yerekana ingaruka mbi zaryo kw'iterambere ry'igihugu. Yanatanze ubutumwa bwaturutse mu kigo cy'Igihugu gishinzwe Ubugenzuzi bw'ubuziranenge, ihiganwa mu bucuruzi no kurengera abaguzi (RICA). Yibanze ku burenganzira bw'umuguzi asaba abacuruzi kwirinda uburiganya bashakira inyungu z'ikirenga mu baguzi. Kuri uyu munsi u Rwanda rwifatanyije n'isi kwizihiza umunsi mpuzamahanga wo kurengera umuguzi rugira ruti: "Ikoranabuhanga mu bukungu rinyuze m mucyo"