Icyumweru cyahariwe kuvugurura urutoki cyatangijwe hirya no hino mu mirenge igize Akarere ka Ngororero. Ni igikorwa ngarukamwaka kigamije kuvugurura no gukorera urutoki haterwa insina zitanga umusaruro mwinshi, kuvugurura no gukorera izitanga umusaruro muke.
Mu murenge wa Matyazo 
gutangiza ku mugaragaro(official launching) no gukurikirana igikorwa  cy'icyumweru cyahariwe gukorera  no kuvugurura urutoki ku rwego rw'umurenge  cyabereye kuri Sites za Rubumba na Gasiza mu kagari ka Matare.  Abahinzi bibukijwe kandi berekerwa  (amahugurwa  ngiro) ibikorwa by'ingenzi mu gukorera no kuvugurura urutoki (Kwicira gushangurura, kubagara, gusasira, gufumbira, kurimbura inguri zishaje, gutega ibitoki, gutera imibyare mishya, kuvugurura urutoki rushaje , kwirinda no kurwanya ibyonnyi n'indwara.....).
Hakorerwe  ha 3.15 haterwa imibyare 47 kuri site yatangirijweho. Muri rusange mu murenge hose hakozwe ha 16.5 ibikorwa byose biteranyijwe hanaterwa imibyare 47. Igikorwa kirakomeza.

Mu murenge wa Hindiro 
mu rwego rwo gukurikirana icyumweru cyahariwe igihingwa cy'urutoki, Agronome w'umurenge wa Hindiro bwana BIZIMUNGU Fulgence yakurikiranye ibikorwa byo gutera urutoki mu kagari ka Gatega mu mudugudu wa Cyahafi.
1. Hacukuwe imyobo ku butaka bungana na 0.4 Ha 
2. Hatewe ubuso bushya bungana na 0.25H
3. Abaturage bahawe ikiganiro ku  kigamijwe mu cyumweru cyahariwe kwita ku rutoki.

Nyuma yo gusura site ya Cyahafi habaye inama yari ihuje abakuriye amatsinda bazahabwa inguzanyo na ARCOS baganirijwe kuri "tekana urishimgiwe muhinzi-mworozi", ejo heza n'imikorere y'amatatsnda.

Mu murenge wa Gatumba igikorwa cyabereye 
mu tugari twose
Ku rwego rw'umurenge cyatangirijwe mu kagari ka Kamasiga, Umudugudu wa Byimana ahiciwe hanashangururwa urutoki   kuri 1ha, hafumbirwa 0.4ha  kandi ubukangurambaga burakomeje.
Mu murenge wa Kageyo 
mu gutangiza icyumweru cyahariwe kwita ku rutoki hakozwe ibikurikira:
Gusura ahatewe insina mu mwaka wa 2024-2025 bakangurirwa  kuzisasira.
Gutera imibyare y'insina kuri hegitari 0.21.
Kongera kwigisha gusasira insina.
Byabereye kuri site ya Kageshi ikorera mu tugari twa Kageshi, Mukore na Nyamata.
Byakurikiranwe n'ushinzwe ubuhinzi n'umutungo kamere mu murenge.
Akarere ka Ngororero kari mu Turere dufite urutoki rwinshi. Hateganijwe kuzamura agaciro karwo hibandwa ku bitoki biribwa ku buryo umuturage yihaza agasagurira n'isoko.