Uyu munsi habaye inama ya DHMT(District Health Management Team) y'Akarere ka Ngororero. 

Inama yayobowe n'Umuyobozi Mukuru w'ibitaro bya Muhororo , Dr NAMANYA William akaba n'umuyobozi Wungirije wa DHMT y'Akarere ka Ngororero ari kumwe  n'Umuhuzabikorwa wa USAID Ireme /Western Province, Bwana RUTAYISIRE Benjamin.

Inama yitabiriwe n'abagize komite ya DHMT ku rwego rw'Akarere hiyongeyeho abandi batumirwa mu rwego rwo kuganira ku bikorwa by'imicungire y'indwara z'ibyorezo. 

Muri iyi nama haganiriwe kuri ibi bikurikira:

1. Uko ibipimo by'ubuzima bihagaze mu Karere; 
2. Kugaragaza ibikorwa  biri muri DDS 2  y'Akarere ka Ngororero;
3. Ikoreshwa rya e-LMIS n'imyenda Ibigo by'ubuvuzi bifitiye RMS;
4. Ikiganiro kuri community advisory group.

Nyuma yo kungurana ibitekerezo bitandukanye,  hafashwe imyanzuro : 
- Kongera ibipimo biganirwaho hagashyirwamo ibipimo bigaragaza impinduka z'ibikorwa byakozwe (Outcome indicators) nk'imfu z'abana n'ababyeyi, n'izindi; 
- Gukomeza gukorera ubuvugizi amavuriro y'ibanze (HP) ku bijyanye na tariff iri hasi no kongera abakozi;
- Gusuzuma imibare ya Health post ya Bungwe kugirango hazafatwe umwanzuro wo kuyagura;
- RSSB yasabwe kujya itanga amakuru y'imyishyurire y'Ibigo by'ubuzima kugirango bifashe mu kumenya ikibazo cy'imyishyurire hagati ya RSSB n'Ibigo by'ubuzima;
- Ibitaro n'ibigo nderabuzima byasabwe gukaza ubukangurambaga mu rwego rwo kuzamura ibipimo by'ubuzima;
- Ibitaro n'ibigo nderabuzima byasabwe kugaragaza imyenda bafitiye RMS , impamvu itera imyenda kuzamuka na gahunda yo kwishyura;
- Hemejwe ko e-LMIS yajya ikorwa buri munsi hagaragazwa uko imiti yatanzwe (consumption);
- Hanzuwe ko amavuriro y'ibanze yajya atumirwa mu mahugurwa atandukanye kugirango bagire ubumenyi mu byo bakora;
- Hifujwe ko RBC yasabwa kugaragaza igihe bazahugurira abakozi b'Ibigo Nderabuzima gukoresha echographie (ultrasound machines) zatanzwe kugirango zitangire gukoreshwa;
- Hemejwe ko Hashyirwa imbaraga mu buvuzi bw'abarwaye mu mutwe no kunoza service bavurirwamo mu bitaro;
- Kongera ubuvugizi na motivation  bigamije gutuma abakozi bo kwa Muganga baguma mu kazi (staff retention) 
- Gutegura inama kuri Community Advisory Group izaba irimo abayobozi b'Akarere.
- USAID-Tubeho Project yasabwe kuzafasha mu guhugura abajyanama b'ubuzima basigaye muri gahunda ya e-CBS.