Uyu munsi habaye inama ku mikorere y'ibigo mbonezamikurire mu Karere ka Ngororero iyobowe na VM Fed Uwihoreye Patrick. Ibyibanzweho:
 Hifashishijwe inama nyunguranabitekerezo iherutse gukorwa ku ishyirwa mu bikorwa rya gahunda ya ECD yateguwe na Minisiteri y'Ubutegetsi bw'Igihugu ku bufatanye bwa hafi na NCDA na Imbuto Foundation, aho abayitabiriye biyemeje gushyigikira byihuse itangwa rya serivisi nziza za ECD binyuze mu bigo bya ECD ndetse na  ECDs zishingiye ku ngo zashyizweho ku bufatanye hagati ya Imbuto Foundation, Uturere n'abafatanyabikorwa;
muri uku kwezi kwa Mutarama 2023 hirya no hino mu gihugu (mu Turere dutandukanye) hateguwe inama kugira ngo haganirwe ku miterere n’ubuziranenge bwa serivisi zitangwa na ECD muri buri Karere hibandwa ku bigo bya ECDs ndetse ECDs zishingiye ku ngo zashyizweho binyuze mu bufatanye hagati ya Imbuto Foundation, Akarere n'abafatanyabikorwa.

Inama y'uyu munsi ikaba yari igamije

1. Gusangira ibyagezweho muri serivisi za ECDs binyuze mu bufatanye hagati ya Imbuto Foundation, Akarere n'abafatanyabikorwa,

2. Gusesengura icyuho kiri muri serivisi za ECD no kurebera hamwe igisubizo hifashishijwe uburyo bushoboka mu karere ka Ngororero,

3. Kwemeranya kuri gahunda y'ibigomba gukorwa mu rwego rwo gukemura ibibazo byagaragaye muri serivisi za ECDs iyobowe n'abakozi b'Akarere n’ab'Umurenge bafite iyi gahunda ya ECD n'Uburezi mu nshingano zabo, babifashijwemo n'abafatanyabikorwa b'Akarere n'Umurenge.

Abari mu nama banarebeye hamwe ibyiza byo gushyira abana mu bigo mbonezamikurire harimo umutekano w'umwana no kumurinda, kumugirira isuku n'isukura, gutuma agira ubuzima buzira umuze, gutangira kwiga hakiri kare no gukangura ubwonko bw'umwana.

Banarebeye hamwe ibyagezweho muri gahunga mbonezamikurire y’abana bato mu karere ka Ngororero:

-  Urugo mbonezamikurire rw'icyitegererezo rwubatswe mu murenge wa  Muhororo

- Homebased ECDs 30 zashyizweho kandi zirakora neza

- Abana 1281 bahabwa serivise ya ECDs

- Ababyeyi 1182 bahabwa ibiganiro bigenewe ababyeyi muri ECDs

- Abarezi mu ngo mbonezamikurire z'abana bato (caregivers) 6 bahuguwe kuri gahunda mbonezamikurire y’abana bato

Abari mu nama banaganiriye ku nzitizi z'ingenzi zijyanye no gushyira mu bikorwa serivisi za ECD mu Karere ka Ngororero:

- Gahunda ya ECD ntabwo ikurikiranwa bihagije n’abakozi bayishinzwe

- Abakozi ba ECD ntabwo bafite inyungu zimwe (same benefits)

- Ibikorwaremezo bya ECD n’ibikoresho ntabwo bibungabunzwe neza

- ECDs zimwe ziri muri gahunda ya Leta yo kugaburira abana ku amashuri zigahabwa na capitation grants izindi ntiziyibone.

- Abakozi bake bashinzwe umutekano n’isuku.

- Abakozi ba ECD bakeneye itumanaho na transport kugirango bagere kuri Home based ECDs.

- Abarezi bashya badahuguwe

Abari mu nama bunguranye ibitekerezo ku cyakorwa ku mbogamizi zavuzwe hejuru:

•Abakozi bafite ECD mu nshingano bagomba kubazwa gahunda zayo zose.

•Gukurikirana bihoraho aho ECDs zikorera no gushyigikira ubuyobozi bwa ECD mu bukanguramabaga bw’abaturage

•Gutunganya (Regulariser) igipimo cy’imishahara ku barezi bakorera ikigo kimwe, bagahabwa inyungu zimwe kandi bagashakirwa uburyo bwo kongezwa umushahara

•Akarere kagomba gushakisha uburyo ibigo bya ECDs bishobora kubona ubushobozi (amafaranga) yo gukoresha buri kwezi kandi bigafatwa nk’ibindi bikorwa remezo by’Akarere

•Gutegura inama gihembwe kuri gahunda ya ECD

•Gukangurira abakozi n'abayobozi b'inzego z'ibanze kuva ku mudugudu no ku kagari kugira ngo barusheho kugira imikorere ya ECD iyabo (gushyira mu bikorwa serivisi za ECD)

Hari kandi ibibazo byihariye by`ingo mbonezamikurire zishamikiye kuri VUP (ePW)

•Kuba ntabikoresho bafite bihagije

•Kudahemberwa igihe

•Aho abana bahererwa serivise hatameze neza (hamwe na hamwe)

•Kuba hari amarerero ababyeyi bataratora komite

•Hamwe nahamwe hari ubucukike bw’abana

•Amakimbirane mu babyeyi

•Kwigisha hatakurikijwe ingengabihe

•Kuba hamwe na hamwe ntabwiherero abana bafite n'ubuhari buri kure cyane bigatuma abana bajya aho babonye

Abari mu nama bunguranye ibitekerezo ku ishusho ya ECD mu Rwanda mu cyageranyo cyakozwe na RGB, ibyakorwa n'uburyo bwo kubigeraho:

Abari mu nama bashakiye ibisubizo ibibazo bikurikira :

1) Ni ibihe bibazo biri muri za ECD centers na Home based ECDs zashinzwe ku bufatanye hagati ya Imbuto Foundation n’Akarere ?

2) Ni gute ibi bibazo byabonerwa umuti mu mbaraga n’ubushobozi  bw’Akarere n’abakozi  bashinzwe gahunda ya  ECD n’uburezi  mu Karere n’ubwo bitabuza ko abafatanyabikorwa b’Akarere babigiramo uruhare?

3)Buri  ngamba yumvikanyweho mu nama izashyirwa mu bikorwa na nde, guhera ryari kugeza ryari ?

4) Indi nama yo kureba aho tuzaba tugeze dushyira mu bikorwya ibyumvikanyweho yaba ryari bitarenze 15Kamena 2023?

Nyuma yo kungurana ibitekerezo ku bibazo byavuzwe hejuru, inama yafashe imyanzuro ikurikira:

1. Ingo mbonezamikurire zigomba kuba zifite ubwiherero kandi bworohereza abana kubukoresha
2. Abana bagomba gutozwa umuco w’isuku cyane cyane batozwa gukoresha ubwiherero.
3. Gukorana Inama n’ubuyobozi bw’Umurenge wa Muhororo na Gs Kanogo bitarenze tariki 3/2/2023 hagamijwe kureba no kugena imikorere n’imikoranire ya GS Kanogo na Model ECD ya Muhororo kubirebana n’abana bakurikiranwa na GS Kanogo ndetse n’abarimu  bigisha muri Model ECD mu bijyanye na capitation grant.
4. Guteganya amaguhurwa y'aba care givers batahuguwe bitarenze ukwezi kwa Gashyantare 2023.
5. Gushyiraho inshuti z’umuryango 2 n’umujyanama w’ubuzima  1 bazajya bafasha mu gukurikirana HBECD bagashakirwa agahimbazamushyi.
6. CARITAS Diyoseze ya nyundo yasabwe gutanga ibikoresho mu gihe cyagenywe ihereye ku ngo mbonezamikurire zibikeneye kurusha ibindi.
7. Ingo mbonezamikurire zose zigomba gukora iminsi 5 mu cyumweru
8. Hemejwe ko hagomba kubaho inama mpuzabikorwa ku mikorere y’ingo mbonezamikurire buri gihembwe
9. Ahatari komite z’ababyeyi zigomba kuba zagiyeho bitarenze kuwa 3/2/2023.
10. Kunoza ubukangurambaga kugirango ECDs zikore neza kandi ku gihe.
11. Ingo zidashamikiye kuri ePw nazo zakongererwa ubushobozi zigafatwa nkizishamikiye kuri ePW
12. Bitarenze ukwezi kwa kamena 2023 hazabaho inama izasuzuma ishyirwamubikorwa ry'iyi myanzuro yafashwe.

Inama yahuje intumwa za Imbuto Foundation  zifite mu nshingano imikorere y'ibigo mbonezamikurire mu Rwanda, umuyobozi w'Akarere wungirije ushinzwe imibereho myiza y'abaturage Madame Mukunduhirwe Benjamine, Umunyabanga nshingwabikorwa w'Akarere Bwana Bahizi Emmanuel. umuyobozi wa Caritas ya Diyosezi ya Nyundo ikurikirana by'umwihariko imikorere myiza ikanatera inkunga ibigo mbonezamikurire Padiri Jean Paul Rutakisha n"itsinda yari ayoboye, bamwe mu bayobozi b'amashami, abakozi bo mw'ishami ry'ubuzima, abashinzwe ubuzima mu mirenge, abashinzwe uburezi mu mirenge n'abayobozi b'ibigo mbonezamikurire.