Itsinda ryaTask Force y'Intara y'Iburengerazuba y'ibibazo bibangamiye imibereho myiza y'abaturage HSIs  riyobowe n'Umunyamabanga Nshingwabikorwa w'Intara Madamu Uwambajemariya Florence ryahuye n'iry'Akarere ka Ngororero. Bunguranye ibitekerezo ku ngamba zimbitse kugirango ibi bibazo bibonerwe ibisubizo.

Basanze hakiri inzitizi zikurikira:
ibiza bikunda kwibasira Akarere ka Ngororero,
Umubare Munini w'abatishoboye bari mu kiciro cya mbere,
Abaturage benshi bagituye mu mazu ameze nka nyakatsi,
Abaturage bagituye mu manegeka...
Hasabwe ko ingamba zisanzweho zarushshaho kwitabwaho: Gukomeza gukorana n'Abafatanyabikorwa, gukomeza Umuganda inshuro 2 mu cyumweru,
gukomeza gushishikariza abaturage kugira uruhare mu bibakorerwa.
Ku bijyanye no kurwanya imirire mibi: Gushyiraho Umuganura w'umwana uzatangirana n'ukwezi kwa 10, gukomeza Parrainage (kubyara muri batisimu) buri muyobozi akavana nibura umwana 1 mu mirire mibi. gukomeza gushishikariza ababyeyi uruhare rwabo mu guhangana n'iki kibazo; gukomeza kwifashisha urubyiruko rw'abakorerabushake mu kubaka imirima y'ibikoni; gukomeza kwita ku gitondo cy'isuku, gushyigikira "Ni umusanzu wanjye" program, gukomeza "Kunda ishuli" campaign, kwita k'uruhare rw'abagabo mu kuringaniza urubyaro, kurushaho gukurikirana ibigo mbonezamikurire.

Umunyamabanga nshingwabikorwa w'Intara Uwambajemariya yongeye kwibutsa ko ingamba zafashwe zigomba kwitabwaho umunsi ku wundi zigashyirwa mu bikorwa; yasabye kwitondera imibare igahuza n'ibigaragara mu bagenerwabikorwa no guhora" twiteguye gusubiza byo dukora".
Akarere kagaragaje udushya tuzafasha mu guhangana na HSIs:
- Mfata ngufate, umenye nkumenye nundekura umbazwe
-Umuganura w'umwana
- Igitondo cy'suku
- "Ni umusanzu wanjye"
- Itsinda ry'abagabo ryaboneje urubyaro.

Amatsinda yombi yakomereje mu murenge wa Kabaya aho yagaragarijwe aho uyu murenge ugeze uhangana n'ibibazo bibangamiye imibereho myiza y'abaturage banasura bamwe mu bagenerwabikorwa mu ngo zabo.