Kuri uyu wa 7/08/2025 hakozwe inama  yo gusuzuma inyandiko ngenderwaho kugirango yemeze abagenerwabikorwa muri gahunda ya VUP.

Iyi nama yitabiriwe n’umuyobozi w’ishami rishinzwe kurengera imibereho myiza y'abaturage n’abakozi bo muri urwo rwego, Abanyamabanga Nshingwabikorwa b’Imirenge n’abakozi  bafite uruhare muri VUP, Abanyamabanga Nshingwabikorwa b’Akagari, na ba SEDOs.

Iyi nama yari iyobowe na Visi Meya ushinzwe imibereho myiza y'abaturage Madamu. Mukunduhirwe Benjamine.

Intego nyamukuru yinama yari iyo gusuzuma ibiri mu nyandiko ngenderwaho yo kumenya abagenerwabikorwa ba VUP bujuje ibisabwa mu bice bikurikira:
1. Inkunga itaziguye (DS)

2. Kwagura Imirimo Rusange ishingiye kuri Serivisi ishinzwe iterambere ryabana bato (ePW-HBECD)

Nyuma yo gusuzuma no kuganira ku nyandiko, hafashwe imyanzuro ikurikira:

1.Gutegura inteko z'abaturage  mu mirenge yose ku rwego rw'akagari, hagamijwe kugenzura urutonde rw'agateganyo rwa'bagenerwabikorwa ba VUP rutangwa na MINALOC & LODA. Muri iki gikorwa, abantu bujuje ibisabwa bazemezwa  kandi hazakorwa urutonde rw'abatari ku rutonde rw'agateganyo ariko bujuje ibisabwa.
Ibi byose bigomba gukorwa vuba kandi hubahirijwe amabwiriza ariho ajyanye n'ibice byavuzwe haruguru.

2. Hemejwe ko kugenzura urutonde (kwemeza abantu bujuje ibisabwa, kuvanaho abatemerewe, no kongerera abujuje ibyangombwa ariko batashyizwe ku rutonde) bigomba kurangira mu mirenge yose bitarenze ku ya 7 Kanama 2025.
Raporo yanyuma igomba gushyikirizwa Akarere ku ya 8 Kanama 2025, saa 12h00.

3.Kuba utugari tumwe tudafite SEDOs, tugaragaza imbogamizi mu kwinjiza amakuru muri sisitemu  igihe bibaye ngombwa, inama yemeje ko Abanyamabanga Nshingwabikorwa b'Imirenge bahura n'iki kibazo bagomba gutegura raporo yihuse kugira ngo Abanyamabanga Nshingwabikorwa b'utugari bireba bashobore guhugurwa n'abakozi bashinzwe kurengera imibereho y'abatishoboye ku bufatanye n'umuyobozi ushinzwe amakuru ku buryo bakoresha sisitemu.