Ubuyobozi bw'Akarere bufatnije n'inzego z'umutekano bashyikirije abanyeshuri 20 Ikigo cy'amahugurwa cya Iwawa, ndetse bakira abanyeshuri 162 bashoje amahugurwa y'igihe gito icyiciro cya 24. 

Aba 162 bakiriwe n'Ubuyobozi w'Akarere ushinzwe iterambere ry'ubukungu  Bwana UWIHOREYE Patrick wari kumwe n'Umuyobozi w'Akarere wungirije ushinzwe imibereho myiza y'abaturgae Madame MUKUNDUHIRWE Benjamine n'inzego z'umutekano zikorera mu karere ka Ngororero zari ziyobowe na SP Julien NKURIKIYINKA, DPC wa Ngororero DPU.

Mu bitabiriye uwo muhango wo kubakira harimo kandi abayobozi bose b'imirenge.

Dore uko imirenge yagiye yakira abasoje amasomo y'Iwawa no kubashyikiriza imiryango yabo:

* Umurenge wa Muhanda:10
* Umurenge wa Ngororero :27
* Umurenge wa Hindiro:35
* Umurenge wa Muhororo :06
* Umurenge wa Bwira:04
* Umurenge wa Ndaro :13
* Umurenge wa Nyange:08
* Umurenge wa Sovu:03
* Umurenge wa Kavumu :06
* Umurenge wa Kageyo:07
* Umurenge wa Gatumba:17
* Umurenge wa Matyazo:14
* Umurenge wa Kabaya:12

  Aba barangije amasomo bahawe ikaze n'impanuro n'abayobozi b'Inzego z'ibanze iz'umutekano, babaremamo icyizere ko bazakomeza kubaba hafi mu kwiteza imbere bafatanije n'izindi inzego za Leta.

Nyuma abayobozi b'imirenge bagiye gushyikiriza ababyeyi abana babo barangije amasomo Iwawa no kubafasha kubasubiza mu buzima busanzwe biteza imbere.

Abarangije amasomo babajije ikibazo ubuyobozi bw'Akarere kirebana n'amafaranga bakoreye bari Iwawa bubaka amazu mu mishinga yari ihararariwe n'Inkeragutabara.
Bijejwe ko bazayasanga ku Karere.