Mu murenge wa Kavumu mu kagari ka Nyamugeyo mu mudugudu wa Murimba habereye inama nkomatanyanzego ku iterambere ry'imibereho yyiza yateguwe n'ubuyobozi bw'Akarere.

.Inama yayobowe n'umuyobozi w'Akarere wungirije ushinzwe iterambere ry'imibereho myiza y'abaturage Madame  Mukunduhirwe Benjamine. Yaganiriye n'abayobozi banyuranye barimo abakuru b'imidugudu, abajyanama b'ubuzima, abashinzwe imibereho n'iterambere mu midugudu, inshuti z'umuryango, ba mutwarasibo, abayobozi b'ibimina by'abahetsi, umuyobozi w'ikigo nderabuzima cya  RAMBA, abakozi b'umurenge n'utugari n'abandi bavuga rikumvikana.

Inama yari igamije kugaragaza uruhare rw'umuyobozi mu kubaka  umuryango ushoboye kandi utekanye. Uyu muryango ni Umuryango ufite ubwisungane mu kwivuza (MUSA), utarangwamo imirire mibi n'igwingira, utarimo amakimbirane, utarimo ubukene(hitabwa ku kuboneza urubyaro, kubana mu buryo bwemewe n'amategeko no kwirinda ubushoreke n'ubuharike), umuryango uzira ubujiji.

Umuyobozi nyawe ufite ubunyangamugayo akaba agomba guharanira kugira imiryango yujuje ibyangombwa byavuzwe hejuru aho ayobora. Uruhare rwe rugomba kuba rwuje indangagaciro nyarwanda zirimo gukunda igihugu, gushyira imbere inyungu z'abo ayobora, kwitangira abandi, gutanga serivisi zinoze kandi zihuse,...

Muri iyi nama hanaganiriwe ku kurwanya isuri n'ibiza,gahunda ya EJO HEZA, inguzanyo za VUP (FS)
icyorezo cya Ebola, kwikingiza covid19, kugira umuco w'isuku, Gahunda yo kuva mu cyiciro cy'ubudehe uzamuka mu gikurikiyeho (graduation).
Vice Mayor yanasuye amarerero 2 yo mu kagari ka Nyamugeyo aho yasanze abana bitaweho bahabwa services zose ziteganyijwe.