Uyu munsi, ku ya 21 Nyakanga 2025, mu cyumba cy'inama cya Paruwasi Gatolika ya Rususa habereye inama y'ukwigiranaho ( PEER-TO-PEER MODEL) mu mirire y'ababyeyi, impinja n'abana bato.
Iyi nama yateguwe n’akarere ka Ngororero ku bufatanye n’ikigo cy’igihugu gishinzwe iterambere ry’abana (NCDA). Yayobowe na Visi Meya ushinzwe imibereho myiza y'abaturage Madamu MUKUNDUHIRWE Benjamine.
Intego nyamukuru y’inama kwari ukumenyekanisha no gusobanura gahunda nshya yiswe “IGICUMBI CY'IMIKURIRE Y'ABANA” -  ukwigoranaho mu kunoza imirire y’ababyeyi, impinja, n’abana bato.
Intego nyamukuru y’uku kwigiranaho ni uguteza imbere uburyo bwo kugaburira abana bato hashyirwaho uburyo bushingiye ku bikorwa byiza bimaze gukorwa mu ngo z'abaturage.
Ingingo z'ingenzi zaganiriweho zirimo:
- Igisobanuro cy'ukwigiranaho hagamijwe kunoza imirire y'ababyeyi, impinja, n'abana bato;
- Ibikorwa by'ingenzi muri iyi gahunda;
- Amabwiriza yo gushyira mu bikorwa iby'ibanze ngenderwqho, harimo guhuza amatsinda yo Kuzigama no Kuguriza (SLGs).

Abitabiriye iyo nama ni:

- Umuyobozi w'ishami ry'ubuzima mu Karere,
- Umukozi ushinzwe Iterambere ryabana bato (ECD)
- Inzobere mu mirire mu bitaro by'akarere,
- Umugenzuzi w’ubuzima bw’abaturage,
-Umuryango utegamiye kuri leta muri gahunda y'imirire,
-Abanyamabanga Nshingwabikorwa b'Imirenge, 
-Ushinzwe imibereho myiza y'abaturage mu murenge
- Ushinzwe ubuzima n’isuku mu murenge
-Abayobozi b'ibigo nderabuzima,
-Inzobere mu mirire ku kigo nderabuzima,
-Ushinzwe ubuzima n’ibidukikije.