Guverineri w'Intara y'iburengerazuba Bwana Habitegeko François  ageze mu Karere ka Ngororero kuri iki gicamunsi cyo kuwa 14/05/2021. Arimo kureba uburyo ibikorwaremezo by'umwihariko imihanda yangijwe n'ibiza.  Yabanje mu muhanda Kazabe- Sovu yibonera uburyo umuhanda wangiritse. Ari kumwe na Komite Nyobozi y'Akarere n'inzego z'umutekano ku rwego rw,intara n'Akarere

Guverineri w'Intara y'iburengerazuba yanasuye umuhanda werekeza ku murenge wa Ngororero no ku kigo nderabuzima cya Nyange A. Yabonye uburyo wacitse ku buryo nta binyabiziga bishobora kwerekezayo. Nyuma yaganiriye n'abaturage ababwira ko yaje kwirebera ubwe uko ibiza byifashe  kugirango abone uko yakora ubuvugizi. Yashimiye abaturage ubutwari bagaragaza mu guhangana n'ibiza banirinda Covid-19.

Mbere yo gusoza uruzinduko rwe Governor Habitegeko yagiranye inama n'abagize inama y'umutekano itaguye y'Intara n'iya Karere.
Yashimiye uburyo abaturage bahagaze neza mu kwirinda Covid-19. Ati niboneye uburyo bambara neza agapfukamunwa kandi gafite isuku. Ati bigaragaza ko abayobozi begereye abaturage  mu rugamba rwo kurwanya iki cyorezo.  Ati ariko nta kwirara kuko icyorezo kigihari.

Indi ngingo yaganiriweho ni ijyane n'ibiza no kubakira abatishiboye basenyewe n'ibiza.
Umuyobozi w'Akarere Bwana Ndayambaje Godefroid yagaraje uko ibiza bihagaze mu Karere n'ibibazo byakuruye birimo guhitana ubuzima bw'abantu 4. Ku bijyanye n'ibiza Governor Habitegeko yavuze ko ibiri mu bushobozi bw'Akarere nk'umuganda byaba bikorwa ariko ibirenze imbaraga gafite bikazakorerwa ubuvugizi.
Ku bijyanye n'imihigo Mayor Ndayambaje yavuze ko imihigo izeswa neza Akarere kakaza ku mwanya mwiza. Governor yavuze ko kwesa imihigo bishoboka ajya inama y'uburyo Akarere kazahigura neza.