Umuyobozi wungirije w'Ikigo cy'Igihugu cy'Igororamuco  Rtd CP Twahirwa Faustin yatangije ubukangurambaga bwo kurwanya ubuzererezi mu murenge wa Kabaya.
Yavuze ko kurwanya ubuzererezi ari urugamba rusaba uruhare rwa buri wese. Yagize ati:" Igihugu cyacu kimenyereye kwishakamo ibisubizo ikibazo cy'abana b'inzererezi sicyo cyananirana."
Ababyeyi  basabwe  kwirinda kuvutsa abana ishuli, kubarinda imirimo mibi ibakoreshwa by'umwihariko bakirinda amakimbirane mu ngo bifatwa nk'mpamvu nyamukuru ituma abana bava mu miryango yabo bakajya mu muhanda . Abana ntibashobora kwihanganira amakimbirane y'ababyeyi babo.

Bamwe mu babyeyi batunzwe agatoki kubera intege nke n'uburangare bagaragaza mu kutita ku burere bw'abana babo ngo bashake ibisubuzo by'ibibazo bafite noneho abana bagahitamo kwishakira ibisubizo uko babyumva bityo bakiroha mu biyobyawenge cyangwa mu buraya.

"Ibi bibazo byose birazwi mu masibo dutuyemo niyo mpamvu buri wese agomba kugira uruhare mu kubishakira ibibazo.
Ingaruka:  abana bahinduka ibihazi bagatera  umutekano muke ku muryango, abaturanyi no ku gihugu muri rusange.
Biigira n'ngaruka ku buzima kuko ubuzererezi bukwirakwiza indwara zitandukanye,

Ubuzererrezi bugira ingaruka mbi ku bukungu. Kwita ku inzererezi ziri mu bigo ngororamuco nka Iwawa, Transit centers bitwara amafaranga menshi ku ngengo y'imali y'igihugu. Aya mafaranga yagakoreshejwe mu bikorwa byo guteza imbere abaturage. Niyo mpamvu buru wese agomba kugira uruhare mu gushaka umuti w'iki kibazo. Igisubizo nyacyo ni uko buri wese abigira ibye "tukajyanamo"

Umuyobozi w'Akarere bwana Ndayambaje Godefroid yavuze ku byiza byo kuva mu buzererezi atanga urugero rw'abasore n'inkumi babicitseho ubu bakaba babayeho neza.

Naho umuyobozi w'inkeragutabara yavuze ko abana bagomba kwitabwaho kuko nibo Rwanda rw'ejo n'umutekano warwo.
Abari mu nama bagejejweho aho Akarere ka Ngororero kageze karwanya ubuzererezi. Habayeho guhuza abana b'inzererezi n'imuryango yabo no kubaha ibikoresho by'ishuli. Akarere gafite ikigo cy'igororamuco gifasha mu guha abana bo mu mihanda uburere mboneragihugu.

Kugirango ikibazo cy'ubuzererezi kiranduke burundu harateganywa igororamuco rishingiye ku muryango (Community based rehabilitation).

Inama yatumiwemo inshuti z'Umuryango,  avajyanama b'ubuzima abarimu mu mashuli abanza n'ay'isumbuye, urubyiruko rw'abakorerabushake n'ababyeyi.