Mu mirenge igize Akarere ka Ngororero hatangijwe igihembwe cy'ihinga 2026A.  Ku rwego rw'Akarere igikorwa cyabereye mu murenge wa Kageyo mu Kagari ka Mukore mu mudugudu wa Gaseke.
Igikorwa cyitabiriwe n'Umuyobozi w'Akarere @cnkusi20 ari kumwe n'Umuyobozi w'Akarere wungirije ushinzwe iterambere ry’ubukungu Bwana UWIHOREYE Patrick intumwa za RAB Station ya Gishwati, ARCOS, TUBURA, Corps Africa, abakozi b'ishami ry'ubuhinzi n'umutungo kamere, abayobozi b'Inzego z'Umutekano zikorera mu Karere, abajyanama b'ubuhinzi n'abahinzi bo mu murenge wa Kageyo. 
Abaturage bibukijwe agaciro k'ibikorwaremezo no kubisigasira kuko bitwara ingengo y'imari itubutse: hegitari y'amaterasi itwara agera kuri 4,000,000 frws. Umuyobozi w'Akarere @cnkusi20 yibukije abaturage kubyaza umusaruro amahirwe bagenerwa na Nyakubahwa Perezida wa Repubulika Paul Kagame  uhora azirikana iterambere ry'imibereho myiza y'abaturage. 
Imwe mu mibare ijyanye n'ubuhinzi:
Akarere ka Ngororero gutuwe n'abaturage 367,955  n'ubucucike bw'abantu 551 kuri kilometero kare.
Muri bo 95,1% batuye mu cyaro. 85% ni abahinzi bahinga ubuso bungana na hegitari 43,000. Muri zo 7,236 zihingwaho ibigori.
Uyu mwaka abahinzi bazakoresha toni 2,350 z'inyongeramusaruro na
1,850 z'ishwagara.
Bazakoresha imbuto y'ibigori ingana na toni 140.
Mu gutangiza igihembwe cy'ihinga 2026A hatewe imbuto y'ibigori ku buso bungana na hegitari 6.