Mu Karere ka Ngororero habaye igikorwa cyo kwibuka ku nshuro ya 31 abagore n'abana  bishwe muri Jenoside yakorewe Abatutsi mu 1994.
Ku rwego rw'Akarere iki gikorwa cyabereye mu murenge ya Kavumu. Cyitabiriwe na Senateri Bideri John Bonds, Umuyobozi w'Inama Njyanama  y'Akarere, abagize Komite Nyobozi y'Akarere,Visi Perezidante wa CNF ku rwego rw'Intara, Perezida wa Ibuka ku rwego rw'Akarere, abayobozi b'Inzego z'Umutekano zikorera mu Karere, abayobozi n'abaturage b'umurenge wa Kavumu n'iyo bihana imbibi.
Bakiriwe n'Umuyobozi w'Akarere Bwana Nkusi Christophe.
Muri uyu murenge wa Kavumu hari umwihariko muri Jenoside yakorewe Abatutsi w'uko hari abana 30 batabwe mu rwobo ari bazima.
Janvier Mabuye yarokotse muri aba bana. Mu buhamya yatanze yavuze inzira y'umusaraba yanyuze we n'abandi bahigwaga bunyanaswa. Yashimiye ingabo zatumye barokoka, ubuyobozi bwiza bw'Igihugu bwita ku banyarwanda bose nta vangura by'umwihariko abagore n'abana.
Perezida wa Ibuka mu Karere Bwana NTAGISANIMANA Jean Claude.yavuze ko hakiri imvugo n'ibikorwa bikiriho bitoneka inkovu z'abarokotse  Jenoside yakorewe Abatutsi asaba buri wese kugira uruhare mu kubihagarika burundu.
Yasabye ko ahari urwobo rwajugunywemo ba bana hashirwa ikimenyetso cy'amateka yabo.
Umushyitsi Mukuru Hon. Senateri Bideri John Bonds ygarutse ku mvugo n'ingiro bigitoneka inkovu z'abarokotse asaba ko iyi ngengabitekerezo ya Jenoside icika burundu. Yibukije ko "tugomba kwima amatwi abagifite umugambi wo kubiba amacakubiri mu banyarwanda ".
Yasabye ko ahari urwobo rwajugunywemo abana hashyirwa monima igaragaza amateka mabi yshabereye.
Igikorwa cyashojwe no kuremera abagore 5 barokotse Jenoside yakorewe Abatutsi. Bahawe matela n'ibindi biryamirwa, ibiribwa ibikoresho by'isuku n'ibyo mi gikoni. Ni igikorwa cyateguwe n'Inama y'Igihugu y'Abagore  mu Karere ka Ngororero.
Twibuke twiyubaka