Ikibazo cy'nyamaswa zimaze igihe kitari gito zirya inyana ntoya mu nzuri za Gishwati kirimo kuvugutirwa umuti. Inzego zose zirimo Komite Nyobozi y'Akarere ka Ngororero, urubyiruko, aborozi, inzego z'umutekano biriwe mu nzuri za Gishwati hafi y'ikusanyirizo ry'amata rya Bweru. Ntibatinye imvura y'ishyamba yiriwe igwa ubudatuza maze bakora umuganda wo kubaka ingombe (ibiraro by'inyana) zo kurinda inka zikiri ntoya izi nyamaswa.

Ingombe zubatswe mu biti bikomeye ishyirwaho imbariro zigeretseho senyenge ku buryo nta nyamaswa yagira icyo itwara inyana ziyirimo.

Uyu muganda wabereye mu rwuri rwa Masharinga wavuze ko iki gikorwa kigiye gutuma inyana zitazongera kuribwa n'inyamaswa.We na bagenzi bashimiye ubuyobozi bw'Akarere n'inzego z'umutekano uburyo batahwemye kubaba hafi muri ibi bizazane basaba ko imihanda igana ku makusanyirizo yatunganywa kuko mu gihe cy'imvura nyinshi imihanda yangirika amata agapfa ubusa kuko aba atagishoboye kugera kw'ikaragiro rya Mukamira. Ibi bitera ighombo kinini aborozi.

Umuyobozi w'Akarere Bwana Nkusi Christophe yabijeje kubakorera ubuvugizi. Yasabye ko buri mworozi agomba kugira ingombe mu rwuri rwe bityo inyamaswa ntizizongere kugira aho zihurira n'aya matungo.

Bwana Nkusi yanavuze ko aborozi bagomba gushyira amatungo yose mu bwishingizi, abashumba bakaba mu nzuri nyirizina aho gusiga amatungo bakigendera. Izi ngamba zigomba kwitabwaho mu gihe hagitegerejwe ko RDB ishyiraho uruzitiro rutandukanya pariki ya Mukura-Gishwati  n'inzuri.

Mu rwego rwo kuba hafi aborozi mu guhangana n'izi nyamaswa; police y'igihugu DPU Ngororero bakambitse mu nzuri rwagati.

Mu Karere ka Ngororero habaruwe inka 17 zariwe n'inyamaswa murizo 7 zravuwe zirakira izindi 10 zirapfa.