Umuyobozi w'Akarere wungirije  ushinzwe iterambere ry’ubukungu Bwana UWIHOREYE Patrick  yayoboye inama ya Coffee task Force.
Ibyaganiriweho:
1.Ishusho y’ubuhinzi bwa kawa mu karere ka Ngororero;
2. Aho umuhigo w’ikawa 2024-2025 ugeze ushyirwa mu bikorwa;
3.Amabwiriza agenga isizeni y’ikawa umwaka wa 2025;
4.Kureba no kwemeza site zizakirirwaho ibitumbwe by’ikawa
5. Kurebera hamwe imyiteguro yo kwakira no kugura umusaruro w’ikawa;
6. Ingemwe za kawa zatewe n' ibarura ry’ibiti by’ikawa.
Bwana UWIHOREYE yagaragarije abitabiriye inama gahunda ya Leta yo kongera umusaruro w‘ibyoherezwa mu mahanga muri rusange, aho umuhigo wa 2024-2025 w’ikawa itunganyijwe  ugeze ushyirwa mu bikorwa, amabwiriza ya NAEB agenga isizeni y’ikawa agamije kunoza imikoranire n’imikorere hagati y’inganda zitunganya umusaruro w’ikawa, abahinzi b’ikawa n’inzego zitandukanye.

Ikindi cyagarutsweho ni ukwemeza  amakusanyirizo (sites) yemewe azagurirwaho ikawa hagamijwe kunoza imikorere n’imicungire yayo.

Abitabiriye inama batanze ibitekerezo bitandukanye hagamijwe  kunoza imikorere n’imikoranire bubahiriza amabwiriza  y’ikigo cy’igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi (NAEB) agenga sizeni y’ikawa y’umwaka wa 2025 no korohereza abakarani b’ibarura ry’ibiti by’ikawa muri uyu mwaka wa 2025.

Inama  yitabiriwe n’abakozi bo mu Ishami ry’ubuhinzi, abagoronome b’Imirenge, abayobozi ba Koperative zihinga kawa, abafite mu nshingano inganda zitunganya umusaruro w‘ikawa, Umuyobozi w’ihuriro ry’amakoperative y’abahinzi ba kawa  n‘Abafatanyabikorwa mu buhinzi bw’ikawa.

Visi Meya Uwihoreye yashimiye  abitabiriye inama ubwitange n’ubufatanye bwa buri wese mu nshingano ze kugira ngo iyi sizeni 2025 y’ikawa izagende neza.