Umuyobozi w'Akarere Bwana Nkusi Christophe yakiriye intumwa za Banki Nkuru y'Igihugu ziyobowe na Visi Guverineri wayo Dr Nsengiyumva Justin.
Iyi banki yazanye umushinga mugari wo gukangurira abagore kwishyurana hakoreshejwe telefone ngendanwa hagamijwe kwiteza imbere no kwihaza mu by'imali. (GENDANA KONTI)
Ubushakashatsi bwagaragaje ko abagore 72% ari bo bagerwaho na serivisi z'imari mu gihe abagabo bagera kuri 83%.

Mu karere ka Ngororero abagore 7% ntibaragerwaho na serivisi z'imari. Muri aka Karere abagore 53% bagize abagatuye.
Asobanura uyu mushinga Visi Guverineri wa BNR Nsengiyumva yahamagariye abagore gutinyuka gukorana n'ibigo by'imari bakaka inguzanyo kuko BNR yiteguye kubaba hafi.
Uyu mushinga uri mu mujyo wa NST2 wo kwihutisha iterambere hifashishijwe ikiranabuhanga.
Abagore bitabiriye aya mahugurwa basabwe gusakaza ubumenyi bahavanye muri bagenzi babo kugirango iterambere twifuza ryihute.

Muri aya mahugurwa hari kandi Umuyobozi ku Ntara y'Iburengerazuba ushinzwe iterambere ry'Uturere Bwana Nyamaswa Emmanuel, Umuyobozi w'Akarere wungirije ushinzwe imibereho myiza y'abaturage Madamu Mukunduhirwe Benjamine, abayobozi b'Inzego z'Umutekano zikorera mu Karere, Umuyobozi w'Inama y'Igihugu y'Abagore, abayobozi b'amashami (BDE n'imiyoborere myiza) ba Mutimawurugo bahagarariye abandi mu tugari mu Nama y'Igihugu y'Abagore, abahagarariye ibigo by'imari n'ibyitumanaho bifite serivisi zateza imbere abagore, intumwa za RISA n'iza MICT.
#mutimawurugogendanakonti.