Umuyobozi w'Akarere wungirije ushinzwe iterambere ry’ubukungu Bwana UWIHOREYE Patrick yatangije ku mugaragaro amahugurwa y’iminsi itatu y’Abatekinisiye ku Igenzura no gusana Ibiraro by’Abanyamaguru (Trail Bridges). Aya mahugurwa yateguwe n'umufatanyabikorwa Bridge to Prosperty yatumiwemo aba bakurikira:

- Director of One Stop Center
- Road Development  and
- Maintenance Engineer
- District Infrastructure and Property Management Officer
- Procurement Officer
- All sectors Land Managers
- One engineer from each of Framework Contracting Companies on infrastructure maintenance
- One engineer from each of the emerging (youth) contracting companies engaged in routine road maintenance. 

Nanone mu rwego rwo kubungabunga ibidukikije no gufata neza ubutaka mu misozi mirermire y'Akarere ka Ngororero Umuyobozi w'Akarere Bwana NKUSI Christophe  ari kumwe  na ba Visi Meya bombi yakiriye abafatanyabikorwa Rwanda Climate Change and Development Network (RCCDN), Duhamic ADRI na Climate Just Communities (CJC)Program.    
Iyi nama yari igamije kuganira ku bibazo b by’ingenzi bijyanye na gahunda ya CJC, harimo icyifuzo cy’Akarere gisaba kubaka ibiraro, imyiteguro y’uruzinduko rwa SCIAF, ndetse no gusuzuma ishyirwa mu bikorwa ry’umushinga muri rusange.

Mu Karere ka Ngororero harabarurwa ibiraro 19 byo mu kirere byubatswe ku nkunga ya Bridge to prosperity. Ibi biraro byatumye ubuhahirane hagati y'imirenge bwiyongera kuko bituma abaturage barema amasoko bambuka imigezi ku buryo bworoshye, abanyeshuli bakagera ku mashuli nta nkomyi; bitandukanye na mbere iyo imigezi yuzuraga byabaga bitagishobotse kuyambuka ndetse ugasanga hari ubwo itwaye ubuzima bw'abantu.