Kuwa 30/09/2020 mu cyumba cy'inama cy'Akarere ka Ngororero habereye umuhango wo gusinya imihigo ya Mutimawurugo 2020-2021 hagati y'Inama y'Igihugu y'Abagore n'Ubuyobozi bw'Akarere ka Ngororero. Ni igikorwa cyitabiriwe na Komite ya CNF ku rwego rw'Akarere, inzego z'umutekano  n'abanyamabanga nshingwabikorwa b'imirenge.

Iyo mihigo ni 6 iteye ku buryo bukurikira:

1. kugira amatsinda akorana n'ikoranabuhanga

2. kwigisha abakobwa/abagore imyuga y' ubumenyingiro

3. kwimakaza isuku n'isukura mu muryango

4. kugira umuryango utarangwamo imirire mibi

5. guharanira ko umuryango ukoresha rondereza cyangwa gaz bitangiza ibidukikije

6. kugira umuryango utarangwamo amakimbirane.

Umuhuzabikorwa w'Inama y'Igihugu y'abagore amaze kugaragaza uko imihigo iteye, yashimiye abitabiriye ubufatanye bakomeje kugaragaza mu kwesa imihigo. Umuyobozi w'Akarere yabijeje ko bazakomeza gufatanya mu kwesa imihigo asaba abitabiriye guharanira ko hazagaragara impinduka nziza mu miryango igize Akarere

Mu mwaka wa 2019/2020 niho imihigo ya Mutimawurugo yatangiye gushyirwa mu bikorwa. Yibanze ku "Kugira umudugudu ntangarugero muri buri murenge hakorwa ibikorwa bigamije impinduka n'iterambere rirambye (NST1). Mu murenge wa  Ngororero hari umudugudu wa  Mpara; Hindiro uwa  Gapfura; Matyazo Rwankenke,  Kabaya Rebero;  Muhororo Kibingo; Gatumba Karerhe; Ndaro Kabuga, Nyange Vungu; Sovu Ncano; Kavumu Nyabubanda, Kageyo Busenyi; Bwira  na Muhanda