Mu gihe hasigaye umunsi umwe ngo abanyeshuli basesekare mu mashuli abanza n'ayisumbuye mu Karere ka Ngororero imyiteguro igeze ku musozo mu bigo byose: amasuku yararangiye, ibyo kurya birahari, abarimu bategereje abanyeshuli, biteguye gutangira amasomo.

Mu myiteguro idasanzwe harimo kwima amayira icyorerzo cy'indwara y'ubushita bw'inkende Monkey Pox (Mpox) ntikizagere mu mashuli.

Ni muri urwo rwego uyu munsi kuwa 8/09/2024 mu bigo nderabuzima bibarizwa mu Karere ka Ngororero  hatanzwe amahugurwa kuri gahunda yo kwirinda ikwirakwira ry'icyorezo cy'indwara y'ubushita bw'inkende (Monkey Pox).

Aya mahugurwa yatanzwe ku bufatanye bw'Ibigo Nderabuzima n'Abayobozi mu Nzego z'ibanze ahabwa abarimu bahagarariye abandi baturutse muri buri kigo cy'ishuri. 

Bahuguwe ku miterere y'indwara ya Monkey Pox , uko yandura n'uko yakwirindwa kugira ngo nabo bazabisobanurire abandi balimu bahagarariye ndetse n'abanyeshuri. 

Amahugurwa yatanzwe na:
-abayobozi b'ibigo nderabuzima;
-abakozi bashinzwe ibikorwa by'abajyanama b'ubuzima, isuku n'isukura;
-abakozi bashinzwe indwara z'byorezo.

Uyu munsi kandi ubuyobozi bw'Akarere n'ubw'imirenge biriwe mu gikorwa cyo kugenzura uko amashuli yiteguye gutangira umwaka w'amashuli 2024/2025. hagiwe inama zitandukanye zigamije kunoza imyiteguro kugirango itangira ry'amashuli rizagende neza.