Itsinda rigari rigizwe n'ubuyobozi bw'Akarere, imirenge, inzego z'umutekano, abakorerabushake, inama y'igihugu y'abagore, iy'urubyiruko, komite nyobozi z'imidugudu, inshuti z'umuryango bazindukiye mu gikorwa cyo gukurikirana itangira ry'umwaka w'amashuri 2024-2025. Byagaragaye ko abanyeshuli n'abalimu batangiranye ibakwe.

Ibyakozwe:

1.Kugera kuri buri urugo rufite umwana ugejeje igihe cyo kwiga harebwa ko ababyeyi be biteguye kumwohereza kandi bamushakiye n'ibisabwa byose kugirango ashobore kwiga neza. 
Aho ababyeyi batari biteguye bahwiturwaga itsinda rikava muri urwo urugo umwana ajyanywe ku ishuri.

2. Kugenzura ko ibigo by'Amashuri byiteguye kwigisha:
Hasuwe ibigo byose harebwa ko abalimu biteguye kwigisha,  kandi ibikoresho byose bihari.
Amasomo yatangiye ku gihe amatsinda yasanze abarimu barimo bari kwigisha  n'abanyeshuri bakurikiye neza.

3.Kugenzura gahunda yo gufatira ifunguro ku ishuri.
Ibigo byose byatetse, abatetsi bafite isuku, hashimwe
isuku yagaragaraga mu ibikoni.

4. Kugenzura ingamba zo guhangana n'icyorezo cya MPox:

Amatsinda yasanze ibigo byose byashyizeho ingamba zo guhangana n'icyorezo cya MPox :
-Bose bari bafite ubukarabiro ndetse naho butari bari bashatse kandagira ukarabe zikora neza.
-Abanyeshuri mbere yo kwinjira mu ishuri bahurijwe hamwe bahabwa ku buryo burambuye inyigisho kuri iki cyorezo aho babwiwe uko cyandura, ibimenyetso by'uwacyanduye, uko cyakirindwa ndetse banasabwa kujya batangira amakuru ku igihe k'uwo baba babonyeho kimwe muri ibyo bimenyetso. 
 Hemejwe ko mbere yo gutangira amasomo ya mu gitondo buri mwarimu azajya abanza akabaza abanyeshuri be niba mu midugudu iwabo aho baturutse ntawe babonanye ibimenyetso bya MPox, mwarimu nawe azajya akorera raporo umuyobozi w'ishuri nawe ahite atanga amakuru ku umurenge kuburyo ku isaha ya 9h30 hazajya haba habonetse amakuru y'uko abanyeshuri basize iwabo mu midugudu bimeze.
-Hashatswe kandi Thermometers zo gupima umuriro nka kimwe mubimenyetso by'iki cyorezo.
-Gukaza ingamba z'isuku n'isukura hose yaba mu cyumba cy'ishuri, mu ibikoni n'ahandi hose.
Muri rusange amashuri yatangirnaye ibakwe kandi ubwitabire bwari hejuru.

ITANGIRA RY'AMASHULI MU MAFOTO