I. INAMA ISANZWE Y'INAMA NJYANAMA Y'AKARERE

Kuwa18/05/2025, ku biro by'Akarere, habaye inama isanzwe y'Inama Njyanama y'akarere ka Ngororero. Iyi nama yari iyobowe na Perezida w’Inama Njyanama y’Akarere Madamu NYIRAMASENGESHO Jeannette, yitabiriwe n’abajyanama bose bagize Inama Njyanama y’Akarere. Ingingo zikurikira zaganiriweho:

1. Gusoma no kwemeze inyandikomvugo y'inama iheruka;

2. Kwakira raporo ya Biro yaguye mu gihembwe cya kane 2024/2025;

3. Kwakira raporo ya Komisiyo idasanzwe y'Inama Njyanama y'Akarere ka Ngororero;

4. Kwakira raporo ya Komite y'Ubugenzuzi;

5. Gufata ibyemezo ku nyandiko zashyikirijwe Inama  Njyanama y'Akarere.

II. SIPORO NI UBUZIMA

Mu gitondo cyo kuya 18 Gicurasi 2025 mu mirenge yose igize Akarere ka Ngororero habaye siporo rusange. Iyi siporo rusange yaranzwe no kwiruka no gukora imyitozo ngororamubiri itandukanye. Ku rwego rw'Akarere, siporo rusange yitabiriwe n'Umuyobozi w'Akarere ka Ngororero Bwana Christophe NKUSI ari kumwe na Visi Meya ushinzwe imibereho myiza y'abaturage Madamu Benjamine MUKUNDUHIRWE, umunyamabanga w'Inama Njyanama y'Akarere Madamu AYINKAMIYE Marie Louise n'abandi bajyanama mu Nama Njyanama y'Akarere, abayobozi b'inzego z'umutekano zikorera mu Karere, abaybozi n'abaturage b'Umurenge wa Ngororero. Nyuma ya siporo rusange, abitabiriye amahugurwa bahawe ubutumwa ku kamaro ka siporo mu buzima kandi bashishikarizwa kubigira akamenyero, kurwanya ikoreshwa ry’ibiyobyabwenge. Abayitabiriye bapimwe indwara zitandura.

III. IBIZAMINI NGIRO

Nanone kuri uyu wa 18 Gicurasi 2025 Umuyobozi w’Ishami ry'Uburezi mu Karere Bwana HABARUREMA Denys yayoboye inama igamije kuganira ku  bizamini ngiro (Pratical Examens)  bizatangira ku ya 19/05/2025. Abitabiriye amahugurwa ni abashinzwe uburezi mu Mirenge n'Abayobozi b'Amashuli y'Imyuga n'Ubumenyingiro.

Urwego rw'Igihugu rushinzwe ibizamini NESA rwari ruhagarariwe na Bwana Gatwaza Athanase. Ibibazo byose bishobora kubangamira ikorwa ry’ibizamini ngiro byaganiriweho hafatwa n'ingamba zo  kubikemura mbere y’uko bitangira. Ibizamini ngiro biratangira kuri uyu wa mbere 19/05/2025 bikazarangira ku ya 06/06/2025.