Kuri uyu wa 2/9/2022   habereye inama yahuje Ubuyobozi bw'Akarere n'abahagarariye amadini n'amatorero iyobowe n'umuyobozi w'Akarere wungirije ushinzwe imibereho myiza y'abaturgae Madamu Mukunduhirwe Benjamine ari kumwe na Padiri Ntirandekura Gilbert President wa RIC (Rwanda Intereligeous Councel) mu Karere ka Ngororero
Inama yitabiriwe na:
1) Abagize Komite ya RIC ku Karere
2) Ba Perezida ba RIC ku rwego rw'Imirenge
3) Abahagarariye amadini n'amatorero mu Mirenge
4) Abakozi b'Imirenge bashinzwe imibereho myiza.

Haganiriwe  ku mihigo,ijyanye no guhangana n'ibibazo bibangamiye imibereho myiza y'abaturge (Human Security Issues =HSIs) no gutegura ukwezi kwahariwe ubumwe n'ubwiyunge.
Iyi nama yavuyemo umusaruro ushimishije kuko amadini yiyemeje gufatanya n'inzego z'ubuyobozi agaragaza uruhare  rwayo mu gukemura ibibazo bibanganiye imibereho myiza y'abaturage mu mwaka wa 2022-2023.

Biyemeje:
-Kubaka amazu y'abatishoboye  82
-Kubaka ubwiherero 306
-Kubaka ibikoni 4
-Kwishyurira ubwisungane mu kwivuza abatishoboye 470. Birakomeza kunozwa ku buryo iyo mibare ishobora kuzarenga
Hemejwe ko RIC ku rwego rw'Imirenge n'Akarere bagiye gusinyana amasezerano y'ubufatanye mu mihigo.

Amadini n'amatorero yiyemeje kuzagira uruhare mu bikorwa byose bitegura ukwezi kwahariwe ubumwe n'ubwiyunge (Ukwakira)

Muri iyi nama President wa RIC Padiri mukuru wa Paruwasi ya Rususa Gilbert Ntirandekura yagize ati: "Umuntu muzima imbere n'inyuma niwe dushaka kandi duharanira. Muze duhuze imihigo tumubone" naho  Vice Mayor Mukunduhirwe ati: "Amadini n'amatorero afite uruhare rukomeye mu guharanira imibereho myiza y'abaturage, umuryango utekanye no kwimakaza ubumwe n'ubwiyunge" Muri iyi nama harebwe ibyagezweho mu mihigo y' umwaka ushize n'ibizakorwa muri 2022/2023. 

Mu gusoza Padiri Girbert yagize ati: "imihigo si iy'Akarere ahubwo ni iyacu niyo mpamvu mw'isuzuma ryayo tugomba kubazwa ibyo twakoze uruhare rwacu rukagaragara. Ikuzo ry'Imana riri mu muntu muzima imbere n'inyuma. Ubunyamaswa twarabubonye bihagije, dukeneye kubona ubumuntu burenze. Burya iyo ubonye umuntu avuye mu kaga wibagirwa imvune wagize ukamuvanamo. "

Vice Mayor Mukunduhirwe yashimiye amadini n'amatorero uruhare agira mw'iterambere ry'umuntu wuzuye abasaba kudakura mu ruge kuko urugamba rw'iterambere rukiri rwose.