Umuyobozi w'Akarere Bwana NKUSI Christophe yayoboye  inama y'uburezi yamuhuje n'umyobozi w'Akarere wungirije ushinzwe imibereho myiza y'abaturage Madamu Mukunduhirwe Benjamine, abayobozi b'ibigo by'amashuli abanza n'ayisumbuye, ay'imyuga n'ubumenyingiro, ba nyir'ibigo, abayobozi b'Inzego z'Umutekano zikorera mu Karere, abanyamabanga nshingwabikorwa b'imirenge n'abandi bafatanyabikorwa mu burezi. 
Baganiriye ku:

- Uburyo imyanzuro y'inama y'ubushize (yarimo gutegura ibizamini no kubikoresha neza) yashyizwe mu bikorwa;
- Kwitegura itangira ry'amashuli riteganijwe kuwa 8/09/2025;
- Imitsindire y'ibizamini bya Leta bisoza amashuli abanza n'icyiciro rusange;
- Ibibazo by'abana bataye ishuli;
- Isuku mu mashuli.
Ku rwego rw'Igihugu Akarere ka Ngororero kaje ku mwanya wa 9 mu mitsindire y'ibizamini mu mashuli abanza  naho mu mashuli yisumbuye kaje ku mwanya wa 8. Iyi myanya yavuzweho ko ari ikimenyetso cy'uko Akarere kateye intambwe mu myigire n'imyigishirize.
Mu kungurana ibitekerezo hagaragajwe bimwe mu bituma imitsindire iba ku rwego rwo hasi:

Abayobozi b'ibigo by'amashuli bataba ku kazi, abalimu batarangiza neza inshingano zabo, abashinzwe amasomo badakurikirana imyigire y'abanyeshuli n'imyigishirize y'abalimu, kudakoresha ikoranabuhanga, imyitwarire mibi ku barezi n'abanyeshuli, ubwumvikane buke hagati y'umuyobozi w'ishuli, ushinzwe amasomo n’ushinzwe imyitwarire, isuku idahagije mu mashuli,...
Abakoze neza bashimiwe, abakozi nabi bagawe. Umurenge wa Bwira uri muyitwaye neza.
Mayor Nkusi: "uburezi bufite ireme ni umusingi w'ejo hazaza heza."
Muri iyi nama abayobozi b'amashuli basangiye ubunararibonye buzatuma barushasho kurangiza neza inshingano zabo.
Impanuro zitandukanye bahawe n'abayobozi nazo zizabafasha mu kunoza inshingano zabo.

Muri iyi nama Umuybozi w'ishami ry'uburezi Bwana Habarurema Denis yagaragaje impamvu zituma umusaruro uba muke mu mashuli:

- Abayobozi b’ibigo by’amashuri bataba ku kazi kugira ngo bakurikirane imyigire n’imyigishirize bigatuma abarimu bakora ibyo bashaka ( kutigisha, kwigisha batateguye, kudakoresha amasuzuma ateganyijwe cyane cyane  End unit assessment, gukererwa no gusiba akazi,….);
- Abayobozi b’ibigo by’amashuri bagera ku kazi bakererwe kandi bagataha kare
- Abayobozi b’ibigo n'abashinzwe amasomo (Directeur of Study=DOS) birirwa ku kazi ariko ntibakurikirane imikorere y’abarimu n’imyigire y’abanyeshuri
- Abayobozi b’ibigo bungirije bashinzwe amasomo bigaragara ko badakora inshingano zabo zo gukurikirana umunsi ku wundi imyigire n’imyigishirize. Ibyo bigaragazwa n’ibi bikurikira:
Kuba hari barimu bigisha batateguye
Kuba amasuzuma adakorwa
Kuba nta raporo zerekana uko imyigire n’imyigishirize bihagaze ( Nta sesengura bakora)
Kuba abayobozi b’ibigo batinda gutanga imibare  y’imyigire n’imyigishurize bakavuga ko biterwa n’uko ba DoS ntayo baba bafite
- Abayobozi bungirije badakoresha ikoranabuhanga bagahora bifashisha abarimu nabo bigatuma badakora  neza akazi kabo ko kwigisha
- Amakimbirane mu bigo by’amashuri (gutonesha abarimu bamwe na bamwe, kwibasira abarimu bamwe na bamwe  bashinjwa ko badakora, kurema udutsiko ( aka HT  n’aka DOS)
- Imikoranire itanoze ya HT na DoS ( DoS utanga uruhushya ku mwarimu, HT atabizi, HT batabwira ba DoS aho bagiye gukorera mu gihe bataje ku kazi,…)
- Abayobozi b’ibigo na ba DOS bataba online ( kutaboneka kuri telefoni, kutareba ibinyuzwa ku mbuga z’akazi) bigakereza raporo cyangwa amakuru biba bikenewe…

Directeur Habarurema yavuze no ku byakorwa kugiranga ibibazo bive mu nzira:
 

Abayobozi b’ibigo by’amashuri barasabwa kuba ku kazi no mu kazi kandi bakubahiriza amasaha y’akazi
Ba DOS barasabwa kwita ku buryo bufatika ku myigire n’imyigisrize ( abarimu bagakurikiranwa, amasuzuma yose ateganyijwe agakorwa , agakorerwa isesengura kandi agatangirwa raporo ku muyobozi w’ishuri, bakagira imibare fatizo hafi)
Ba HTs na ba DOS bagomba gushyira imbaraga mu gukoresha ikoranabuhanga ( digital skills) no kuba online
Gushyira imbaraga mu kubaka ubumwe cyane cyane  birinda amatsinda mu kigo no gukora nk’ikipe.

IBINDI BIKENEYE KWITABWAHO MU MWAKA WA 2025/2026
Gukumira imyitwarire mibi igenda igaragara ku barimu (ubusinzi, urugomo, gusambanya abanyeshuli)
Gukomeza kunoza imicungire y’umutungo wa Leta
Kunoza isuku ku mashuri (ikigo, abarimu, abakozi bunganira n’abanyeshuri)
Kwita ku bikorwaremezo by’ishuli
Kunoza imikoranire n’ababyeyi.