None kuwa 19/08/2025 mu mirenge yose igize Akarere ka Ngororero hatangijwe icyumweru cyahariwe ubukangurambaga buhamagarira abayeyi konsa neza n'uburyo bikorwa. Ku rwego rw'Akarere igikorwa cyabereye mu murenge wa Muhanda  ku nsanganyamatsiko igira iti: 'Konsa neza, Ahazaza Heza."

Mu butumwa bwatanzwe harimo:
- Akamaro ko Konsa n'uburyo bubereye bwo Konsa,
- Isuku n'isukura n'uruhare rwayo mu kurwanya igwingira,
- Gutegura indyo yuzuye itabuzemo ibikomoka ku matungo,
- Akamaro ko kwitabira Ingo mbonezamikurire,
- Gusaba abaturage kwitabira gahunda y'IGICUMBI CY'IMIKURIRE,
- Kuboneza urubyaro no kwirinda inda ziterwa abangavu, 
Ni gahunda yayobowe n'Umuyobozo w'Akarere ka Ngororero Bwana NKUSI Christophe ari kumwe n'inzego z'umutekano n'abafatanyabikorwa nka
- NCDA,
- World Food Program,
- World Vision Rwanda,
- AEE Rwanda,
- Isoko y'Ubuzima

Mu murenge wa Ndaro ababyeyi baje gukingiza abana bahawe ikiganiro cyerekeranye no Konsa muri gahunda y' icyumweru cyahariwe konsa.
Ababyeyi bongeye kwibutswa akamaro ko Konsa
-ku mwana
-ku mubyeyi 
-u gihugu muri rusange
Ababyeyi bongeye kwihanangirizwa ko umwana agomba konka gusa akimara kuvuka agahabwa imfashabere yujuje amezi atandatu. Ikiganiro cyatanzwe n'Umukozi ushinzwe imirire ku kigo nderabuzima  Madamu UWIZEYIMANA Marie Grace ari kumwe n'umuhazabikorwa w'urubyiruko rw'abakorerabusahake Mrs UWAMAHORO Seraphine.

Naho mu murenge wa Sovu  itsinda rigizwe n'ushinzwe ubuzima, isuku n'isukura, ushinzwe ibikorwa by'abajyanama b'ubuzima, isuku n'isukura ku kigo nderabuzima cya Sovu n'ushinzwe imirire basuye abaturage muri  gahunda y'icyumweru cyahariwe Konsa kuva ku wa 18-22/08/2025 mu kurwanya imirire mibi n'igwingira. Igikorwa cyabereye mu tugari twa Rutovu, Kanyana, Birembo ...

Ibyakozwe:
1) Kwigisha uko ababyeyi bonsa

2)Akamaro ko konsa 
3) Gukangurira ababyeyi isuku rusange 
4)Gutegura indyo yuzuye
5)Gupima abana imikurire   

Inama zatanzwe :

1)Gukomeza kwigisha no  kubunganga  ababyeyi muri gahunda yo konsa baha abana imfashabere igihe cyagenwe;
2)Abari mu nama basabwe  kwigisha abandi   akamaro ko konsa 
3)Abari mu nama biyemeje kubungabunga isuku rusange .

4)Gukomeza gutegura indyo yuzuye  hibandwa ku isuku 

Ubukangurambaga burakomeje hirya no hino mu mirenge.