Inama yahuje Minisiteri y'Ibidukikije, Minisiteri y'Ubuhinzi n'Ubworozi, inzego z'umutekano, ubuyobozi bw'Intara y'Iburengerazuba, Uturere twa Nyabihu, Ngororero, Rutsiro  na Rubavu n'aborozi mu nzuri za Gishwati.

Iyi nama yari iyobowe na Minisitiri w'Ibidukikije Dr. Valentine Uwamariya hamwe n'Umunyamabanga wa Leta muri Minisiteri y'Ubuhinzi n'Ubworozi  Bwana Fulgence NSENGIYUMVA.

Abashyitsi bakiriwe na guverineri w'Intara y'Iburengerazuba Bwana Jean Bosco Ntubitura.

Akarere ka Ngororero kari gahagaragriwe na Meya Christophe NKUSI, Visi Meya ushinzwe iterambere ry'ubukungu Bwana Patrick Uwihoreye, Umuyobozi w'Isami rya OSC hamwe n'umukozi ushinzwe ibidukikije mu Karere.

Intego y'inama kwari ukwerekana umurongo ngenderwaho mu micungire no gukoresha ubutaka mu nzuri za Gishwati.

Abari bitabiriye iyi nama bamenyeshejwe amabwiriza mashya ya Minisitiri  No 001 yatanzwe ku ya 11 Gashyantare 2025, agenga imicungire idasanzwe y'ubutaka no gukoresha inzuri za Gishwati.
Aya mabwiriza yerekana inshingano z'Ubuyobozi n'aborozi hagamijwe kuzamura umusaruro w'ibikomoka ku matungo matungo mu nzuri za Gishwati. Harimo kandi ingingo zerekeye ibibazo byagaragaye n'amabwiriza yerekeye gutanga ibyangombwa by'inzuri za Gishiwati.

Abahinzi bahawe umwanya wo  gutanga ibibazo byabo bijyanye no kororera mu nzuri za Gishiwati, ki bahawe ibisubizo bishimishije. Ibindi bibazo bijyanye, cyane cyane ibirimo abantu baguze inuri ztarandikwa ku mugaragaro mu mazina yabo, bizakomeza gusubirwamo neza.

Abahinzi bagaragaje ko hakenewe ibikorwa remezo by'ingenzi mu nzuri za Gishwati, harimo amakusanyirizo (Milk Collection Center) meza, imihanda, amazi, n'amashanyarazi. Nubwo zimwe muri izi gahunda zimaze gukorwa, izindi zizakomeza kuganirwaho ninzego zibishinzwe ndetse n'abafatanyabikorwa babishoboye kugirango haboneke  ibikoresho n'ibikorwaremezo bituma umusaruro wiyongera kandi ukagera ku isoko nta nkomyi.