kuwa 06/01/2021 kuva 9h45 -16h10 kuri Guest  House, habereye amahugurwa y'umunsi umwe yari agenewe abakora kwa muganga.Yari agamije kubongerera ubumenyi mu gukumira icyorezo cya Koronavirusi no kwita ku barwayi banduye COVID-19. Ni k'ubufatanye hagati y'Akarere na RBC. Itsinda  rya RBC ryari riyobowe na Dr Nkeshimana Menelas

 Inama  yafunguwe n'umuyobozi w'Akarere wungirije ushinzwe imibereho myiza y'Abaturage, Madamu MUKUNDUHIRWE Benjamine. Atangiza inama yashimiye abateguye amahugurwa avuga ko yaziye igihe ashimira  Minisiteri y'Ubuzima   yegereje inzego z'ubuzima  uburyo n'ubushobozi(Descentralisation) asaba abitabiriye inama   kurushaho kurangwa n'indangagaciro yo gukunda umurimo, gukorera hamwe baganisha ku intego.
Inama yitabiriwe kandi n’abayobozi bakuru b'ibitaro (DGs) aba laborantins ku bitaro, abashinzwe ibyorezo ku bitaro, ba Titulaires b'ibigo  nderabuzima, aba laborantins mu bigo nderabuzima, ba data managers b'ibigo nderabuzima n'abashinzwe abajyanama b'ubuzima.

 Abitabiriye Inama bamaze kugaragarizwa imiterere ya koronavirusi , uko ifata n'uburyo bwo kuyirinda, hakurikiyeho umwanya  w'imyitozo ngiro mu gupima koronavirusi. Biyemeje kurushaho gukorera hamwe mu rwego rwo kurushaho gukumira ubwandu bushya , banarushaho kwita kubarwayi barwariye iwabo.
Biyemeje kurushaho kunoza ihererekanya makuru bigakorwa ku rwego rwa Command Posts ku inzego zitandukanye; gukurikirana abarwayi muri communaute himakazwa umuco w'isuku aho batuye.
Mu kurushaho kwirinda Koronavirusi, abitabiriye inama basabwe gukomeza gufatanya mu gukumira ikwirakwizwa ry’iki cyorezo hagenzurwa Ko amabwiriza yashyizweho yubahirizwa.