Abakozi b'Akarere ka Ngororero biriwe mu gikorwa cyo kwibuka ku nshuro ya 31 abari abakozi b'ayahoze ari amakomini yahurijwe mu Karere ka Ngororero bishwe muri Jenoside yakorewe Abatutsi mu 1994.  Igikorwa cyabanjirijwe n'urugendo ruva ku Karere rwerekeza ku rwibutso rwa Jenoside yakorewe Abatutsi mu 1994 rwa Ngororero ahunamiwe inzirakarengane ziruhukiye muri uru rwibutso.
Ibindi byaranze igikorwa:
Gusoma amazina y'abari abakozi b'ayahoze ari amakomini yahurijwe mu Karere ka Ngororero bishwe muri Jenoside yakorewe Abatutsi mu 1994 no gushyira indabo kuri monument yabo yubatswe imbere y'ibiro by'Akarere, gucana urumuri rw'Icyizere, ibiganiro bitandukanye bijyanye n'insanganyamatsiko "#TwibukeTwiyubaka#" byatanzwe na n'Umuyobozi w'Akarere @cnkusi20;  Padiri mukuru wa paroisse ya Rususa  akaba na Perezida w'Ihuriro ry'amadini n'amatorero mu Karere Gilbert Ntirandekura; Perezida wa IBUKA Bwana NTAGISANIMANA Jean Claude, uhagarariye imiryango y'abakozi bunamiwe uyu munsi; ubuhamya bwatanzwe na Kalisa Jean Baptiste warokotse Jenoside yakorewe Abatutsi.
Abatanze ibiganiro bose bashimiye ingabo zahagaritse Jenoside zikarokora abahigwaga barokotse; ubuyobozi bwiza bw'Igihugu cyacu bwimakaje ubumwe n'ubudaheranwa bw'Abanyarwanda, abarokotse Jenoside yakorewe Abatutsi banze guheranwa n'agahinda bakaba bakomeye mu iterambere.
Igikorwa cyashojwe no kuremera uwarokotse Jenoside yakorewe Abatutsi mu 1994.