Inama ku rwego  rw'Intara y'Iburengerazuba yabereye kuri Bethanie Hotel kuri uyu wa 4/08/2022 yatinze ku ruhare rwa buri wese mu kurwanya isuri kandi kuburyo bwihuse
Umushyitsi Mukuru: muri iyi nama yari Umunyamabanga muri Minisiteri y'Ubutegetsi bw'Igihugu
Madamu INGABIRE Assumpta.

Yari yatumiwemo abayobozi  b'Uturere twose tugize Intara y'Iburengerazuba, abakozi b'ibigo bifite aho bihuriye no kubungabunga ibidukikije, abakozi b'Uturere bafite kubungabunga ibidukikije mu nshingano zabo, abafatanyabikorwa batandukanye mu kubungabunga ibidukikije n'abacukuzi b'amabuye y'agaciro

Abafatanyabikorwa b'Akarere ka Ngororero bari muri iyi nama bagaragaje uruhare rwabo muri iyi gahuhunda yimbitse yo kurwanya isuri impeshyi itararangira
1.World vision izfasha guhugura abaturage mu kurwanya isuri itanga amahugurwa mu mirenge ya Nyange na Matyazo
2. Arcos izatera ibiti bivangwa n'imyaka 2,500,000 ku buso bwa hegitari 5,000 mu mirenge  ifite aho ihuriye na Pariki y'Igihugu ya Mukura
3. Core Rwanda izatanga ibiti 25,000 mu Murenge wa Muhanda
4. Food for the Hungry mu Murenge wa Bwira yatanze A-frame  muri buri mudugudu ndetse na GPS,  izatanga ibiti 75,000 bisanzwe,100,000 bivangwa n'imyaka ,ibiti 40,000 by'imbuto no gukora  amaterasi agenda yikora kuri hegitari  kuri 75
5. NMC izatanga  ibiti bivangwa n'imyaka 20.000
6. Uruganda rw'Icyayi rwa Rubaya (Rwanda Mountain Tea Factory Rubaya) ruzafasha gutera ibiti bivangwa n'imyaka 50000 no guca imirwanyasuri kuri hegitari 270 ku buso bw'uruganda, ruzakora n'ubukangurambaga mu bahinzi b'icyayi ba COTRAGAGI mu  guca imirwanyasuri mu mirima yabo.

Inama yageze ku myanzuroy'ingenzi ikurirkra:
- Hasabwe ko habaho ubukangurambaga ku ukubungabunga inkengero ( buffer zones) z'imihanda n'imigezi haterwa ibiti n'ibyatsi by'amatungo
- Bibe umuhigo kugera ku Isibo muri buri mudugudu mu kurwanya isuri
- Gushyiraho amarushanwa no guhemba abatabiriye kurwanya isuri kurusha abandi.
- Gukora  inyigo yo kuzahura ibigo by'ubucukuzi bw'amabuye y'agaciro bitagikora
- Hifujwe ko RMB  yatanga impushya  ku hantu hakigaragaramo amabuye y'agaciro ariko hakaba harahagaze
- Inyubako z'amabati zigira amazi menshi birasaba ko habaho uburyo bwo guha abaturage ibigega ku buryo bw'inguzanyo bakajya bishyura gahoro gahoro
- Harasabwa ko habaho uburyo bunoze bwo guhana abangiza amashyamba n'abacukura amabuye y'agaciro mu buryo butemewe n'amategeko bafatwa bakarekurwa
- Gushyiraho igenzura rihoraho mu kurwanya isuri no gukurikirana uburyo  tekiniki zo gukora amaterasi y'ikora  zubahirizwa
- Gutegura inama  mu cyumweru gitaha mu turere twose  n'abafatanyabikorwa batandukanye bari mu Karere ku ngamba zo kurwanya  isuri
- Kumenya  ahantu hose hagomba kurwanywa isuri  n'ibikorwa bigomba kuhakorera n'aho ibikenewe bizava
- Gukurikirana imkurire y'ibiti biba byatewe.
- Sosiyete z'ubucukuzi bw'amabuye y'agaciro  zasabwe kubahiriza amabwiriza y'ubucukuzi

 Abari mu nama banaganiriye ku Ibarura ry'abaturage riteganyijwe kuri 16-30/08/2022. Buri rugo razabarurwa hagamijwe gufasha igihugu gukora igenamigambi  ry'ibyiciro bitandukanye mugihe cy'imyaka 10.
Abitabiriye inama basabwe gukangurira abaturage kudasiba nimero  z'ibarura zizaba zanditswe ku mazu yabo ibarura ritararangira, gukangurira abaturage kwita ku ijoro ry'Ibarura, kubungabunga umutekano w'ibikoresho by'ibarura n'abakarani b'ibarura, gukora bukangurambaga buhoraho ku gikorwa cy'ibarura ndetse n'amadini akabigiramo uruhare