Itsinda ry'abadepite bashoje uruzinduko rw'akazi  bamazemo iminsi 5.
Bamaze iyo minsi bareba uko abaturage bahanganye n'icyorezo cya COVID-19, itangira ry'amashuli, igihembwe cy'ihinga 2020 A, imishinga ifite ibibazo, serivisi z'ubuzima... Habayeho no kuganira n'abaturage.
Nk'uko byavuzwe n'uyoboye itsinda Hon Nyabyenda  Damien itangira ry'amashuli riragenda neza gusa hari ibigo bikibura abanyeshuli n'abalimu, hari aho ibyumba by'amashuli bitaruzura, hari ahatari ibigega bifata amazi, intebe hari aho zikenewe byihutirwa, ubukarabiro buracyari buke, kunoza isuku biracyari ngombwa.

Ku bijyanye n'ubuhinzi bashimye ko hahujwe ubutaka gusa ngo hari abahinzi bagikeneye inyongeramusaruro, imbuto z'indobanure ku bishyimbo no ku birayi irakenewe. Urutoki ntirutanga umusaruro uhagije. Ubworozi bugomba kurushaho gutera imbere bigafasha mu kurwanya imirire mibi.
Ku mihanda itameze neza hari iyangijwe n'ibiza ku buryo gusana birenze ubushobizi bw'Akarere. Hazakorwa ubuvugizi.

Abadepite basanze serivisi z'irangamimerere zirakora neza nko kwandikisha abana bakivuka kwa muganga. Abaturage bakomeje gusabwa kwitabira serivisi zitangirwa kwa muganga nko kwipimisha ku babyeyi batwite, gukingiza abana no kuringaniza imbyaro. Isuku n'isukura by'umwihariko ku bana bato iracyari ngombwa.

Intumwa za rubanda zasanze abaturage bafite inyota yo kugezwaho ibikorwa remezo.

Uruganda rw'imyumbati rwadindiye rwagarutsweho; basabye ko idindira ryarwo ryabonerwa igisubizo. Postes de sante hari aho zidakora neza. Imicungire yazo igomba kuvugururwa.
Ubuyobozi bw'Akarere bwari buhagarariwe n'umuyobozi w'Akarere wungirije ushinzwe iterambere ry'ubukungu Bwana Uwihoreye Patrick. Yashimiye itsinda ry'abadepite uburyo ryagaragaje uko Akarere gahagaze mu bice byavuzwe hejuru.
Vm FED yavuze ko bitarenze kuwa 26 z'uku kwezi amashuli mashya  arimo kubakwa azaba yuzuye. Imicungire ya postes de santé yavuzweho cyane hanzuwe ko igomba kuvugururwa.
Akarere ka Ngororero kashimiwe uburyo kakumiye Coronavirus kakaba kataragaragaramo iki cyorezo.