Muri ikigihe abanyeshuli bari mu birihuko ababyeyi barasabwa kurushaho kubona umwanya uhagije wo kuganira n'abana ku buzima bw'imyororokere. Byagarutsweho n'abayobozi batandukanye ubwo hatangizwaga ukwezi kwahariwe Intore mu biruhuko kwatangiye kuri uyu wa 9/08 kukakazarangira kuwa 8/09/20222. Iyi gahunda izajya iba 2 mu cyumweru yabereye mu miremge yose, ku rwego rw'Akarere igikorwa cyabereye mu murenge wa Gatumba mu kagari ka Ruhanga.

Yabanjirijwe n'umupira w'amaguru wahuje amakipe y'utugari twa Ruhanga na Rusumo ikagira insanganyamatsiko igira iti: "Ibiruhuko bifite intego agaciro kanjye." Izitabirirwa n'ibiyiciro 3 by'abanyeshuli: Imbuto, indirirarugamba n'indhangarwa
Igikorwa cyitabiriwe n'Umuyobozi Mukuru ushinzwe iterambere ry' urubyiruko muri Minisiteri y'Urubyiruko n'Umuco Tetero Solange, umuyobozi w'Akarere Bwana Nkusi Christophe, umuyobozi w'Akarere wungirije ushinzwe imibereho myiza y'Abaturage Madame Mukunduhirwe Benjamine n'abayobozi b'inzego z'umutekano.

Mayor Nkusi yasabye abanyeshuli kudapfusha ubusa ibiruhuko bakababera umwanya wo gusubira mu masomo, gufasha ababyeyi, kwidagadura no kurangwa n'indangagaciro nyarwanda.
Intumwa ya Minisiteri y'Urubyiruko n'Umuco yatangaje ko iyi  gahunda ireba byiciro 3: imbuto, indirirarugamba n'indahangarwa. Yasabye ababyeyi n'abana kuyibayaza umusaruro by'umwihariko ababyeyi n'abana bakarushaho kwegerana bakaganira ku buzima bw'imyororokere. Yagize ati: Umwana w'umukobwa niba yatangiye kujya mu mihango abiganireho n'ababyeyi yumve ko impinduka zibaye mu mubiri we zamubera ighie cyo kwitekerezaho ko ashobora gusama aramutse akoze imibonano mpuzabitsina. Naho ku muhungu niba yatangiye kwiroteraho nawe akabiganiraho n'ababyeyi akumva ko ageze mu gihe cyo kuba yatera inda bityo akigengesera mu bijyanye n'imibonano mpuzabitsina.

  Uyu muyobozi yashoje asaba buri wese mu kiciro cye kuzitabira ibiganiro birebana n'iyi gahunda, kuba amizero y'Igihugu bakazakigeza ku iterambere twifuza.