Uyu munsi kuwa 28/09/2022  habaye inama yaguye ya Command post y'Akarere ka Ngororero hifashishijwe uburyo bwa Webex. Inama yayobowe na Madamu MUKUNDUHIRWE Benjamine, Umuyobozi w'Akarere wungirije ushinzwe imibereho myiza y'Abaturage.
Inama yari itumiwemo aba bakurikira:
1. Abanyamabanga Nshingwabikorwa b'Imirenge
2. Abayobozi bakuru b'ibitaro
3. Abashinzwe ikingira ku bitaro
4. Abagize command post y'Akarere
5. Abayobozi b'Ibigo Nderabuzima
6. Abakozi b'ishami ry'ubuzima n'ishami ry'uburezi mu Karere.
Inama yaganiriye ku ngingo zikurikira:
1. Gukingira Covid-19
2. Gukumira icyorezo cya Ebola
3. Ubwitabire mu gutangira amashuli
4. Kwitegura ibikorwa bitandukanye biteganyijwe mu cyumweru gitaha.

Nyuma yo kugaragarizwa aho izi gahunda zihagaze,
hafashwe imyanzuro ikurikira:
1. Gukora ubukangurambaga ku mashuli, abana bireba bagahabwa impapuro zo kuzuza (consent forms) ababyeyi bakazisinya kugirango igihe cyo gukingira kizagere byararangiye.
2. Ku bijyanye no gukumira Ebola, hemejwe ko command posts zongera gukora buri munsi, gukurikirana amakuru y'abinjira mu midugudu hakamenyekana amakuru y'aho baturutse no kwigisha abaturage bose bakamenya amakuru n'icyo basabwa gukora ngo birinde iki cyorezo.
3. Ku bijyanye n'itangira ry'amashuli inama yemeje ko hakomeza gufasha abana batarajya ku ishuli kwihutira kujyayo ku buryo iki cyumweru kirangira ubwitabire bwageze ku 100% mu byiciro byose.
4.kwihutira gusinyisha impapuro ababyeyi buzuje bemera ko bana bakingirwa no gukora lisiti nyazo z'abazakingirwabo  bitarenze kuwa 30.09.2022

Mu bindi Umuyobozi w'inama yasabye imirenge gutegura ibikorwa biteganyijwe gutangizwa mu cyumweru gitaha harimo ukwezi k'ubumwe n'ubwiyunge,ukwezi  kwahariwe Ubukorerabushake, Umunsi w'Abageze mu za bukuru, asaba ko byategurwa neza kugirango ibikorwa biteganyijwe bizatange umusaruro utegerejwe.