Icyumweru cyahariwe kugaragaza ibyagezweho mu kwimakaza ihame ry'uburinganire n'ubwuzuzanye hagati y'abagabo n'abagore mu muryango, cyatangijwe mu mirenge yose ku nsanganyamatsiko igira iti: "Twimakaze ihame ry'uburinganire dushyira umuturage ku isonga". 
Ku rwego rw'Akarere cyatangirijwe mu murenge wa Muhororo aho
Umuyobozi w'Akarere Bwana NKUSI Christophe yari kumwe n'abaturage b'uyu murenge naho umuyobozi w'Akarere wungirije ushinzwe imibereho myiza y'abaturage Madame MUKUNDUHIRWE Benjamine yari mu murenge wa Kavumu.

Abaturage baganarijwe ku ruhare rw' umuryango mu kwimakaza ihame ry'uburinganire no kurwanya ihohoterwa rishingiye ku gitsina, imbogamizi zigihari no kuzifatira ingamba.
Mayor NKUSI: "Imiryango itarimo Uburinganire n'ubwuzuzanye niyo usangamo ihohoterwa,  imirire mibi n'igwingira,  amakimbirane n'ibindi bikoma mu nkokora imiryango."
Muri rusange butumwa bwatanzwe bwibanze ku:
-  kwimakaza Ihame ry'Uburinganire mu Miryango nk'isoko y'Iterambere ryawo
- Kurwanya ihohotera rikorerwa mu Miryango kuko ridindiza iterambere ryawo;
- Kubana mu buryo bwemewe n'amategeko kuko birengera abagize Umuryango
- Kwandikisha abana mu bitabo by'irangamimerere
- Kwimakaza umuco w'ibiganiro mu muryango.
Abaturage bahawe umwanya wo kubaza ibibazo bihabwa umurongo.

Abaturage bashishikarijwe kwimakaza ihame ry'uburinganire kuko niwo musingi w'umuryango ushoboye kandi utekanye wo soko y'iterambere.
Ababyeyi basabwe gutoza abana ihame ry'uburinganire n'ubwuzuzanye hakiri kare bagakura bazi ko umukobwa n'umuhungu bafite uburenganzira busesuye kandi bungana.

Iki gikorwa cyateguwe n'Intara y'Iburengerazuba ku bufatanye na GMO
( Gender Monitoring Office) , cyatangiye uyu  munsi kuwa 25/03/2025 kikazasozwa kuwa 01/04/2025.