Uyu munsi  mu Kigo cy'Urubyiruko cy'Akarere ka Ngororero habaye amarushanwa y'abana, yo gusoma inkuru hakoreshejwe ikorabuhanga (tablets)
Ibi byakozwe kubufatanye na  SAVE THE CHILDREN,
Aya marushanwa yari agamije kureba urugero abana bagezeho bakoresha ikoranabuhanga mu gusoma inkuru ndetse no gukomeza kubashishikariza umuco wo gusoma
Abana bitwaye neza kurusha abandi bahawe. bihembo birimo amakaye, amakaramu, ibikapu ndetse n'imipira yo kwambara. Igihembo nyamukuru ni Tablet yahawe umwana wahize bandi gusoma neza  Ineza Elvira w'imyaka 9 wiga muri Centre Scolaire Saint Dominique Kabaya mu mwaka wa 3 w'amashuli abanza.

Umuyobozi w'irishuli  Izabayo Jeannette avuga ko kuba umunyeshuli we yahize abandi babikesha isomero riri muri cya kigo cy'urubyiruko aho batira ibitabo bagashishikariza abana kubisoma. Iri shuli rimaze igihe gito rishinzwe n'umuntu ku giti cye afatanije n'ababyeyi; rifite imyaka 3 y'amashuli y'incuke n'itanu y'amashuli abanza. Riherereye mu bilometero bigera kuri 3 uvuye kw'isomero nyirizina.

Iki gikorwa kandi cyitabiriwe n'ababyeyi b'abana n'abafashamyumvire b'uburezi ku bigo by'amashuri byo mu murenge wa Kabaya.

Iki gikorwa cyitabiriwe n'umukozi ushinzwe uburezi mu murenge wa Kabaya, hamwe n'umuhuzabikorwa w'ikigo cy'urubyiruko mu karere ka Ngororero.

Abana ndetse n'ababyeyi bishimiye iyi gahunda ya mbasomere. nisomera ibafasha mu kuzamura ubumenyi hakoreshejwe ikoranabuhanga.

Umushinga Save the Children ku bufatanye n'isomero rikuru rya Kigali unatanga inkunga y'ibitabo mw'isomero riri mu kigo cy'urubyiruko gihererye mu murenge wa Kabaya.