Kuwa 18.09.2022 muri salle y'urubyiruko y'Akarere ka Karongi, habereye inama y'uburezi yahuje ubuyobozi bw'Intara y’Iburengerazuba, Ministeri y'uburezi, Abayobozi b'uturere n' ababungirije bashinzwe iterambere ry'imibereho myiza y'abaturage, abayobozi b'ibigo  by'amashuri ya Leta n'afatanyije na Leta k'ubw'amasezerano mu turere twa Ngororero, Rusizi,Nyamasheke na Karongi.
Inama yayobowe na Guverineri w'Inatara y'Iburengerazuba Bwana Habitegeko Francois, arikumwe na Hon. Akimpaye Christine
n'umuyobozi mukuru w'igenamigambi muri Minisiteri y'uburezi Nsengiyaremye Christophe.

Ibiganiro byatanzwe:
1.Imiyoborere iboneye y'ibigo by'amashuri n'uruhare rw'umuyobozi w'ikigo mu gukemura ibibazo bibangamiye umuryango nyarwanda,
2.Intekerezo shingiro n'imiyoborere y'u Rwanda kuva 1994,
3.Ibyagezweho mu burezi mu Intara y'Iburengerazuba.
Nyuma yo kugezwaho ibiganiro byibanze kurebera hamwe uko gahunda y'uburezi ihagaze mu turere haba mu mitsindire,ubwitabire bw'abanyeshuri, gahunda yo kugaburira abana kw'ishuli ,imicungire y'umutungo w'ibigo haba ibikoresho, abakozi n'amafaranga;ndetse hakagaragara ko hari ibishimwa ariko hakaba hari na byinshi bitameze neza inama yasanze hari ibigomba gukosorwa  harimo:
1.imibare y'abana bata ishuli ikiri  hejuru,
2.imitsindire ikiri hasi,
3.Kugaburira abana kw'ishuli   bitaragera ku 100%
4.Abayobozi bataba ku bigo,
5.Abayobozi, abarezi n'abanyeshuri bakirangwa n'imyitwarire mibi,
6.umwanda ku mashuri n'ibindi...

Abari mu nama bafashe imyanzuro ikurikira:
1.kuzamura ireme ry'uburezi no gukorera ku mihigo bikazagaragazwa n'imitsindire ,
2.gushyira imbaraga muri gahunda y'ifunguro bana bose bakarira ku Ishuli,
3.gukora ubugenzuzi buhoraho mu mashuli no kubukorera abarezi,
4.kwirinda imyitwarire igayitse ahubwo hakimakazwa indangagaciro nyarwanda yaba mu barezi ndetse no mu banyeshuri,
5.guhanga udushya tugamije kurwanya ukuva mu mashuli kw'abana,
6.kurushaho kwigisha amateka y'imiyoborere y'Igihugu cyacu ku rubyiruko no ku bakuru hagamijwe gusigasira ibyagezweho ndetse no kwirinda icyari cyo cyose cyagarura amacakubiri mu banyarwanda yatugejeje kuri Genocide yakorewe Abatutsi mu 1994.
Abari mu Inama bashimye ibimaze kugerwaho ndetse banashimira Nyakubahwa Perezida  wa Repubulika  ku byo amaze kutugezaho harimo:
1.kuzamura umushahara wa Mwalimu
2.Gushyiraho mwalimu sacco,
3.gahunda ya school feeding,
4.ibyumba by'amashuri byubatswe mu kugabanya ingendo n'ubucucike n'ibindi...
Abari mu nama biyemeje kwihatira kugera ku ntego z'uburezi ziri muri NST1.