Kuri uyu wa 29/08/2023 mu mudugudu wa Gapfura, mu kagari ka Rusororo mu murenge wa Muhororo habereye igikorwa cyo gutaha ku mugaragaro amasahanyarazi akomoka ku mirasire y'izuba  n'ibikoresho bijyana nayo  birimo radio zahawe ingo 51 na televiziyo 9 zahawe abakora ubucuruzi butanddukanye.  Byatanzwe n'umufatanyabikorwa BRALIRWA ku bufatanye na BBOXX Rwanda.

Uyu muhango witabiriwe  n'Umunyabanga Uhoraho muri Ministeri y'Ibikorwaremezo Bwana ABIMANA Fidele  wari umushyitsi mukuru, Umuyobozi w'Akarere Bwana Nkusi Christophe, Umuyobozi wungirije muri REMA n'abayobozi b'inzego z'umutekano zikorera mu Karere.

Ku ruhande rw'umufatanyabikorwa hari Umuyobozi mukuru wa BRALIRWA Bwana Etienne SAADA, hari umuyobozi wungirije muri  BBoxx Bwana Beni Bizima.
Umuhango waranzwe no gusura bamwe mu bahawe imirasire bagaragaza impinduka nziza nyuma yo gucanirwa.

Iyakaremye Innocent, umwe mu bahawe urumuri yavuze ko bashimira BRALIRWA  yabavanye mu mwijima ikabaha urumuri. Yavuze kko igihe cya nijjoro bagorwaga bacana akatadowa n'ibishishimuzo kugirango babone. Ibi ngo biagira ingarukka mbi ku buzima bwabo no ku mibereho ya buri munsi. Hakurikiyeho ibiganiro byatanzwe n' abayobozi maze umushyitsi mukuru asabaa abaturage gufata neza ibikorwa remezo bahawe kandi bakabibyaza umusaruro..
Umufatanyabikorwa Bralirwa yijeje ko yiteguye gukomeza gufasha abaturage muri gahunda zitandukanye mu rwego rwo gufatanya n' ubuyobozi mu kuzamura imibereho myiza yabo.