Intumwa za rubanda zikomeje uruzinduko rw'akazi mu Karere ka Ngororero.  Uyu munsi Hon. Madina Ndangiza yakoreye mu Murenge wa Muhororo naho Hon. Uwumuremyi M. Claire na Hon. Senani Benoît bakoreye mu Murenge wa Hindiro. 
Bakomeje kureba iterambere ry'imijyi, uburyo 
imiturire yorohereza abaturage kwegerezwa ibikorwaremezo,  imikoreshereze y'ubutaka n'ibikorwa remezo  kuganira n'abaturage. Icyegeranyo cy'ishusho y'umurenge wa Muhororo cyerekanye ko abaturage  83%  bafite amazi meza bihwanye n'ingo 4,233 zivoma amazi mu ntera itarenze metero 500
Amashanyarazi ari ku kigero cya 78%: byazanye impinduka zigaragara mu kwihangira imirimo by'umwihariko mu rubyiruko.
Imihanda ihuza umurenge wa Muhororo n'iyo bihana imbibi yariyongereye k'uburyo ubuhahirane n'urujya n'uruza rw'abantu byiyongereye.
Hasuwe bimwe mu bikorwa remezo biri mu murenge wa Muhororo:
- uruganda rutunganya amabuye yifashishwa mu kubaka imihanda ya kabulimbo;
- uruganda rwari rwubakiwe gutunganya imyumbati;
- ishuli ry'imyuga TSS Muhororo ryigisha ububaji, amashanyarazi, ubwubatsi n'ikoranabuhanga;
- site ya Kabyiniro iri kubakwaho  amazu y'abasenyewe n'ibiza.
Muri uru ruzinduko Hon. Ndangiza yari aherekejwe n'Umuyobozi w'Akarere wungirije ushinzwe iterambere ry’ubukungu Bwana UWIHOREYE Patrick n'abayobozi b'Inzego z'Umutekano zikorera mu Karere.
Bakiriwe n'Umuyobozi n'abakozi b'uyu murenge.
Umunsi wasojwe no kuganira n'abaturage kuri gahunda za Leta.  Ibyifuzo, ibitekerezo n'ibibazo byabajijwe byahawe umurongo.