“Wiyumva ute” iyo utagira ubwiherero, iyo utagira isuku aho uba no ku mubiri, iyo udafite umurima w'igikoni, iyo umwana wawe afite ubugwingire, iyo….?

Mu gusubiza ibi bibazo mu midugudu yose 31 igize umurenge Hindiro hakozwe ibikorwa by'ubukangurambaga muri gahunda y'umurenge yiswe "Wiyumva Ute?". Ibikorwa byakorewe mu Masibo  242 agize umurenge.

Ni ubukangurambaga bugamije gushishikariza Abaturage bose kugira isuku no kurwanya imirire mibi n'igwingira. 

Ibikorwa byibanda ku:
-Isuku ku umubiri
-Isuku mu ngo
-Isuku ahahurira abantu benshi
-Kubaka imirima y'igikoni
-kwigisha gutegura indyo yuzuye.

Ibikorwa byibanze ku:

1.Kubaka no gusana Ubwiherero.
2.Kubumba amatafari yo kubakira ibikoni abatabigiraga.
3.Guharura no gutera indabyo ku mihanda y'imigenderano ihuza amasibo.
4.Gutinda Ibiraro/Amateme
5.Gukurungira amazu.
6.Kwiyubakira irerero ry'inshuke mu mudugudu wa Rugari, Akagari ka Kajinge.

Nyuma y'ibikorwa Abayobozi bitabiriye ibikorwa by'Amasibo baganirije abaturage kuri gahunda za Leta nko:
1.Gukomeza kwibungabungira Umutekano hakazwa amarondo no kumenya abinjira n'baasohoka mu Masibo yabo.
2.Gukomeza ibikorwa byo  kwibuka ku nshuro 31 Genocide yakorewe Abatutsi mu 1994
3.Gutanga CBHI/2025/2026.
4.Gushishikarizwa kurushaho kwitabira ibikorwa by'amasibo.

Ibi bikorwa birakomeje.

Iyi gahunda ya “Wiyumva ute” ni kamwe mu dushya twafashije abaturage b'umurenge wa Hindiro kwikubita agashyi babonera ibisubizo ibibazo byabo birimo isuku idahagije, imirire mibi n'igwingira, … Hari akandi gashya kiswe “Kubera iki kandi mpari”. Ni gahunda yatumye abaturage bafite amikoro ahagije baremera bagenzi babo batishoboye bityo bakabafasha gutera intambwe ibavana mu bukene.

Utu dushya n'izindi initiatives z'umurenge wa Hindiro nko kubakira Abajyanama b'Ubuzima ibyumba byo gutangiramo serivisi byatumye intumwa za Minaloc zigenera ibikombe ubuyobozi bw'Umurenge wa Hindiro.