Uyu munsi intumwa z'Akarere ka Ngororero zari ziyobowe na  Bwana NAYIGIZIKI Eulade, umukozi ushinzwe ibarurishamibare mu karere ari kumwe na DAO AYINKAMIYE Francoise basuye umurenge wa Bwira mu gikorwa cyo gusuzuma uko imihigo ya MUTIMA W'URUGO n'iy'UMUDUGUDU NTANGARUGERO MU NZEGO Z'IMITEGEKERE Y'IGIHUGU ZEGEREJWE ABATURAGE/2022-2023 yeshejwe. Bakiriwe n'umunyamabanga nshingwabikorwa w'umurenge Bwana MUSABYIMANA Japhet arikumwe na DO NTEZIYAREMYE Callixte.

Barebye ibikorwa bitandukanye bikurikira:
1. imitangirwe ya raporo

Harebwaga uko umuhigo weshejwe bigaragazwa na raporo zatanzwe ku Karere ndetse na gihamya (supporting documents) zazo n'uburyo inyandiko zishyinguye (filing).

2.Gusura ibikorwa aho biherereye mu  mudugudu ntangarugero wa Kurushishi n'imihigo ya mutima w'urugo. Basuye ahesherejwe umuhigo wa mutima w'urugo bareba uko abaturage babayeho n'ibikorwa bihakorerwa aho ba mutima w'urugo bishyize hamwe bakajya baboha uduseke, imisambi ndetse n'ibirago mu rwego rwo kwiteza imbere no guhugurana ku bikwiye kuranga mutima w'urugo ukwiye kandi ubereye u Rwanda, Ni muri gahunda bise Urubohero.

3.Gusura ahari kubakwa ibiro by'umudugudu ntangarugero wa Kurushishi.
4.Gusura urugo mbonezamikurire y'abana bari munsi y'imyaka 5 harebwa uko abana bitabwaho ndetse n'imyigire yabo.
5.Kureba isuku muri rusange:
-ubwiherero
-udutanda tw'amasahane
-Isuku mu buriri
-isuku ku mubiri
-ibimoteri.
-Kandagira ukarabe
-Ubusitani n'ibindi

6.Kurwanya imirire mibi
Hasuzumwe:
-Imikorere y'urugo mboneza mikurire(ECDs)
-Uturima tw'igikoni
-ibiti by'imbuto ziribwa
-Imikorere y'igikoni cy'umudugudu.

7.Umutekano
Hasuzumwe uko ibitabo by'Abinjira n'Abasohoka byuzuzwa muri uwo mudugudu ndetse n'imikorere y'irondo.