Ngororero: Urubyiruko mu mashuli rwibukijwe kugendera kure ibyangiza roho n'umubiri

Mu bigo by'Amashuri 20 byo mu Mirenge igize Akarere ka Ngororero hakorewe ubukangurambaga bufite insanganyamatsiko igira iti: " Ubuzima bwanjye, Zahabu yanjye(My Life, My Gold)".

Ubu bukangurambaga bugamije gukangurira urubyiruko kurinda umubiri wabo kuko aribwo bukungu bw'ahazaza.

Muri ubu bukangurambaga hatanzwe Ibiganiro bikurikira:

- Ikiganiro ku kwirinda inda ziterwa abangavu n'indwara zandurira mu mibonano mpuzabitsina;

- Ikiganiro ku gukumira no kurwanya ikoreshwa, ikwirakwizwa n'icuruzwa ry'ibiyobyabwenge mu Rwanda.

Ubu bukangurambaga byateguwe ku bufatanye bw'Ubuyobozi bw'Akarere, Ibitaro by'Akarere, Ibigo Nderabuzima, Inzego z'Umutekano, ubuyobozi bw'ibigo by'amashuli, NYC na RYVCP.

Abanyeshuri bibumbiye muri Clubs zo kurwanya ibyaha bakiniye bagenzi babo ikinamico zishishikariza urubyiruko kwirinda ibyaha.

Ubukangurambaga buzakomereza mu bindi bigo by'amashuri.

Ngororero: Ubushakashatsi bwa RGB ku Ikarita y’Isuzuma ry’Imitangire ya Serivisi ku Baturage (CRC) buri gukorerwa mu mirenge.

Wednesday, 04 March, 2026

Kuri uyu wa kane tariki ya 04 Werurwe 2026, Urwego rw’Igihugu rw’Imiyoborere (RGB) rwakomeje ubushakashatsi burimo gukorwa mu karere ka Ngororero, aho…