Kuri uyu wa 5/10/2023 habaye uruzinduko rw'Urwego rw'Umuvunyi aho Umushyitsi Mukuru yari Umuvunyi Mukuru Wungirije ushinzwe kurwanya ruswa n'akarengane Madamu Yankurije Odette.

Hakozwe inama yo kurebera hamwe aho Akarere kageze mu gukemura ibibazo by'abaturage byashyikirijwe urwego rw'Umuvunyi.

Hagaragajwe ko mu bibazo 169 byashyikirijwe urwego rw'Umuvunyi mu kwezi Kwa 11/2022, muri byo ibibazo 146 byose byarakemutse naho ibibazo 23 ntibirakemuka.

 Ibibazo bitarakemuka byiganjemo ibyerekeye ingurane z'ahubatswe ibikorwaremezo by'amashanyarazi, ibibazo by'Abaturage bafite ubutaka bwanditseho Leta, ibibazo byo gusaba ubufasha n'ibibazo byo gukurikiranirwa imanza zikiri mu nkiko.

Urwego rw'Umuvunyi rwashimye intambwe yatewe n'Ubuyobozi bw'Akarere mu gukemura ibibazo by'abaturage runizeza ubuvugizi ku bibazo bireba ibindi bigo bya Leta.

Abitabiriye inama basabwe gukomeza ubufatanye mu gukemura ibibazo by'abaturage.

Yakiriwe n'Umuyobozi w'Akarere Bwana NKUSI Christophe ari kumwe n'Umuyobozi w'Akarere Wungirije Ushinzwe Iterambere ry'Imibereho Myiza y'Abaturage Madamu MUKUNDUHIRWE Benjamine, abayobozi b'inzego z'umutekano zikorera mu Karere n'abagize Itsinda ryo ku rwego rw'Akarere rishinzwe gukurikirana no gukemura ibibazo by'abaturage riyobowe n'Umuhuzabikorwa wa MAJ mu Karere Madamu ABANDIBANA Theresie.