Akarere ka Ngororero kungutse Umufatanyabikorwa mushya uzafasha mu guhangana n' ingaruka z'imihindagurikure y'ikirere zakunze gukurura ibiza bikazahaza akarere.
Nk'uko byatangijwe n'umuyobozi wa Rwanda Development Organization (RDO) Bwana Rwibasira Eugène umushinga uzarangwa n'ibikorwa bigamije guhangana n'ubusumbane bwakururwa n'imihindagurikure y'ikirere no kubaka ubudahangarwa bw'umuturage mu mihindagurukure y'ikirere hibandwa ku banyantege nke barimo abana, abafite ubumuga n'abageze mu zabukuru. Umushinga izamara imyaka 3 ukazakorera mu mirenge ya Muhanda, Kavumu na Kageyo ku bufatanye na  TROCAIRE  yari ihagarariye na Bwana  Mukunzi I. Christian.

Mu rwego rwo kugirango umuturage yibone muri uyu mushinga,  niwe ubwe uzagaragaza ibyo akeneye gukorerwa kugirango umushinga usubize ibibazo yigaragarije we ubwe.
 Umuyobozi w'Akarere Bwana Nkusi Christophe yavuze ko umushinga uje ari ingirakamaro kuko uzafasha mu gukemura bimwe mu bibazo bikururwa n'ibiza bikunze kwibasira Akarere ka Ngororero mu gihe cy'imvura nyinshi.
Gahunda z'uyu mufatanyabikorwa zashyizwe ahagaragara imbere Umunyamabanga nshingwabikorwa w'Akarere, umuyobozi w'Imirimo rusange,  abanyamabanga nshingwabikorwa b'imirenge, bamwe mu bayobozi b'inzego z'umutekano zikorera mu Karere, abashinzwe ubuzima mu mirenge, abahagarariye abafite ubumuga, abakozi b'ishami ryita ku batishoboye n'abayobozi n'Inama y'Igihugu y'Abagore mu mirenge