Ku bufatanye bw'Ikigo cy'Igihugu gishinzwe imirire n'imikurire y'umwana (NCDA), MINALOC, MINISANTE n'Akarere ka Ngororero hateguwe amahugurwa y'iminsi 2 yateguriwe abagize Komite zishinzwe gukurikirana irandurwa ry'imirire mibi n'igwingira mu mirenge  (nutrition command posts). Yatanzwe n'umukozi wa Minaloc Kagoyire Christine inzobere mu by'imirire ari kumwe n'umuyobozi w'ishami ry'Ubuzima Bwana Nyirimpuhwe Jean d'Amour n'umukozi ushinzwe isuku n'isukura no gukurikirana ibibazo bibangamiye imibereho myiza y'abaturage Bwana Maniraguha Peter.

Aya mahugurwa ari mu rwego rwo kubahiriza imirongo ngenderwaho ivuguruye y'igenamigambi ry'Akarere rigamije kurandura imirire mibi n'igwingira.

Abagize izi Komite bashinzwe gukurikirana imibereho y'ingo zifite abana bari munsi y'imyaka 5, imikoreshereze y'inyunganiramirire igenerwa abana, inkoko zitangwa mu rwego rwo kunoza imirire y'umwana na nyina, ikoreshwa ry'amazi meza, kwipimisha inshuro 8 kw'abagore batwite no gukora ubukangurambaga bwihariye mu kurwanya imirire mibi n'igwingira mu bana.

Amahugurwa yitabiriwe n'abakozi bashinzwe ubuzima n'isukura mu mirenge , abakozi bashinzwe imirire mu bigo nderabuzima, abakozi bashinzwe  imibereho myiza y'abaturage mu mirenge, abahuzabikorwa ba CNF,  CNJ na NCPD, abahagarariye inzego y'umutekano mu mirenge, abahagarariye abanyamabanga nshingwabikorwa b'utugari, abahuzabikorwa b'inshuti z'umuryango, abakozi bashinzwe gukurikirana ibikorwa by'abajyanama n'ubuzima mu bigo nderabuzima, abakozi bakurikirana gahunda y'ingo mbonezamikurire mu mirenge.
Uyu munsi hahuguwe abavuye mu mirenge ya Kabaya, Kavumu, Gatumba, Bwira, Hindiro na Kageyo
Ejo hazahugurwa abo mu mirenge ya Nyange, Ndaro, Mohororo, Ngororero, Sovu, Matyazo na Muhanda.